محـــــال

بيانات اضافيه [ + ]

رقم العضوية : 29160  تاريخ التسجيل :  11 2009  أخر زيارة : 29-07-2012 (04:46 AM)  المشاركات : 167 [ + ]  التقييم :  66

لوني المفضل : Cadetblue

من سردك لتفاصيل ومراحل حياتك توضح ان الركيزه الاساسيه اللي انبنت عليها هذه المشكله هي الاهانه والتهميش والظلم الغير مبرر من قبل الاقربين منك الذي من المفترض يكونون اول المشجعين والداعمين..




ذكرت ان في المرحله الابتدائيه كان هناك بعض المشاكل مع الوالد..لاكن باعتقادي ان المشاكل اللي في هذه المرحله ماتتجذر في الشخص بمثل المرحله المتوسطه اللي عااااااانيت فيها كثير..ومن سياق كلامك توضح لي ان سبب الازمه اللي عندك هي بسبب اهانات اخوك وظلمه و اللي حصل معك كان في فتره مراهقه وفي هذه الفتره مهم جدا ان يشعر الشخص بهميته ..




اللي عندك ترسبات ماضي..لانك كنت تكتم وتكتم ومافي احد تفضفضله او ان لقيت احد ماتلاقيه يشعر فيك..او يدافع عنك او حتى يبرر لك ..لانك كنت تظلم وتهان بدون اسباب..




ذكرت ان معامله اخوك وابوك تغيرت بعد الثنويه...لاكن خلفت لك مشااااكل نفسيه
وانتجت لك رهاب اجتماعي واهتزاز في الشخصيه وعدم تقدير الذات...




اللي صار صـار..نجي للحل ..
الحل كله الان بيدك باذن الله..هو في تقبلك لذاتك (انت) في حبك لنفسك..في اعتزازك لنفسك..



قبل مايتقبلونك الناس انت لازم تتقبل نفسك ..انت اشعرت نفسك بانك شخص قدير امام نفسك سوف ينعكس ذالك على شخصيتك ...




بقولك على شغله اسويها لما اتذكر الماضي..او اي شئ مؤلم صار بحياتي وتحسنت على هذي السلوك..
تعرف الخوذه اللي يلبسونها رواد الفضاء..اتخيل نفسي لابسها واغمض عيوني وبعد كذا احس اني معزول عن العالم..
اشعر نفسك انك معزوووول عن العالم كله..واحس اني بعالم اخر
واردد برغم ماحصل لي في الماضي إلا انني اتقبل نفسي وبعمق..>>وهذا رددها بما لايقل عن 150 مره..تقريبا 5 دقائق ..رددها واشعر بكلمات اللتي تنطقها وليست مجرد كلمه تتفوه بها واحرف تخرجها بل اشعر بكل كلمه...
وردد انت كلام ايجابي تشوفه راح يفيدك ..لان لازم تقنع نفسك من داخل انك متقبل نفسك وانك واثق من نفسك وبكذا لما يصير في ناس تتكلم معها ماراح يطلع معك رهاب ولا رجفه لان نفسك اقتنعت من الداخل بانك شخص مهم وواثق بالنسبه لها...




الرهاب الاجتماعي علاقته متينه بالافكار اللي نعتقدها ونرددها مثل انت الان تذكر

اقتباس:

حاليا لازلت متعودا على استصغار نفسي امام الاخرين لدرجة اقول انا لا استحق

وهذا هو سبب مشكلتك...يعني انت الان تريد ان تتغير لاكن افكارك مازلت تردد السلبيه فاقنعت عقلك الباطن بانك صغير وانك لاتستحق...إذا سوف تتصرف تلقائيا بعدم ثقه و بانك شخص صغير ومهمش...
لاكن عندما تردد الكلام الايجابي ...وتمنع اي كلمه سلبيه مهما خفقت وفشلت..باذن الله سوف تتغير تصرفاتك الاراديه و الشعور الااردي كالارتبكاك والخجل

اقتباس:

دائما افكر بالانتقام من كل من تسبب بانطوائيتي من الناس واهلي

لما يجيك هذا التفكير اقطعه ولاتسترسـل فيه...لانه راح يسبب لك مشاكل ثانيه انت في غنى عنها وانا في غنى عن ذكرها..وقول من قلبك انك ساااامحتهم...في البدايه ماراح تتقبل مسامحتهم بس حاول وسامحهم لان إذا سامحتهم راح يتسهل حل مشكلتك لاكن لما تضعهم في تفكيرك بالعكس ماراح تنتقمنهم وفي نفس الوقت
راح تتذكر الماضي وسوف تعود لك المشاكل فالحل هنا انك تساااااامحهم..سامحهم عشان ربي..

اقتباس:

- درجاتي سيئة وارسب في كل سمستر بمادة او مادتين -لا استطيع النوم الا والباب موصد

لاتعلق اسباب هذه على ترسبات الماضي اللي حصلت لك..لان كذا اي مشكله تشوفها في حياتك مزعجتك تضع اسبابها على الماضي وتضل تلوم في نفسك ..وهذا خاااطئ...في ناس بعيدين عن مشاكل النفسيه وتصير معهم هذي الامور..فانت اقنع نفسك انه شئ عااادي..يصير مع الكل وليس معك فقط او بسبب مشاكلك..

اقتباس:

فانا اصبحت من هذا النوع - فابدأ بذكر اشياء قديمه لاحد اخواني فيعتقد انني مجنون (والسبب هو الكبت)

انت حاول انك ماتذكر الماضي لاي احد..ولما يجي في بالك افصل التفكير عنه..واخوك لما اعتقد انك مجنون
لاتاخذ على كلامه..ويحز بخاطرك..لما تبغي تفضفض روح لشخص المناسب ..روح لشخص تعرف انه راح يتفاعل معك بايجابيه..

اقتباس:

خاف ان يتكرر الماضي - فيوسوس لي الشيطان ان اخي يشك في وسياتي الى الجامعة ليهينني امام اصحابي (كما كان يفعل سابقا)

انت لما تقنع نفسك بماذكرت لك باذن الله راح تزول هذه الوساوس
فانت تعلم انها وساوس لذا هذه ايضا لاتجعل لها مكان في راسك وتفكر فيها او تطيل التفكير بها

اقتباس:

جربت التدين والالتزام ولم ينفع (فاصبح كلامهم يدور حول الارهاب والتلميح بان لي اصحاب مطاوعة نخطط لعمل )

اي واحد يلتزم ثق ثقه تامه انه راح يتعرض لمشاكل من اللي حوليه ..ربي يمتحن صبره وتحمله..انت لاتاخذ على كلام الناس اللي حولك ..واي احد يقولك كلمه طنشها..والله والله والله مافي افضل من الالتزام يكفي الراحه النفسييييييييييييييييييييييييييييييه والسكون والعيشه الصافيه مهما يكدرها من امور الحياه يضل قلبك مطمئن معلق بالله..وتوكل كل امورك على الله..
وش دخل الارهابيين في السالفه التطوع ..التفكير هذا اعتقد انه تلاشئ لان فيه مطاوعه كثيررررر والحمدلله ماشافوا مضايقات مثل نعتهم بانهم ارهابييين ...يمكن في عز الارهاب تقريبا من 7 سنوات لاكن الحين غير
ويمكن مجتمعك مازال متمسك بهذي الفكره..حتى لو كان متمسك فيها انت ملتزم عشان ربي ...مو عشان الناس..
فما عليك من اللي يثنيك عن هذااااا الطريق..

اقتباس:

انا في السنة ثالثة طب بشري الان

ماشاء الله عليك..انت في سنه ثالثه ...يحق لك ان تفخــررر بنفسك..يكفيك ذالك فخرا

اقتباس:

العام الماضي ذهبت سرا الى عيادة نفسية وشرحت للدكتور بانني لدي الخوف من الجمهور وعدم القدرة على الكلام والتعرق امامهم بدأ يمدح لي الحياء وانه شعبة من الايمان ووصف لي ادوية - على الصعيد النفسي زاد اكتئابي بسبب هذه الزيارة فبدأ الوم الناس على ما ال بي الحال الى التردد على العيادات النفسية ورسبت وقتها بثلاث مواد دفعة واحدة فزاد احتقاري لنفسي وكرهي للحياة -- ولكن تحسنت بعدها ورجعت الى مستواي السابق

ياخوي ترى مو اي طبيب نفسي راح يعطيك العلاج على طبق...والله بعضها يجيبلك امراض انت في غنى عنها عشان كذا مو اي احد تنطل عمرك عليه..اسال عن الطبيب شوف تحسن المرضى..لان في اطباء ماتلاقي وراهم إلا اكل فلوسك و تلاقي يحطون فيك امراض ماهي فيك...الله يشفي الجميــع



اعذرني ان كان ردي طويل لاكن عسى ربي ينفع به
وووحوسه ..عشان توني راجع من هالشموووس...
ان شاء الله يجي دكتور ولا مختص يفيدك اكثــر..



مع السلامه

اخوووكم محااااااااااااااااااااااااااال