السلام عليكم ورحمة الله وبركاته

انا بدخل بالموضوع على طول لاني ماعرف انسق الكلام

اول شي اعرفكم على نفسي انا متزوجه من ثلاث سنين

وعندي بنتين مشكلتي مع زوجي

زوجي مايسمع كلامي ولا يعبرني ولا يهتم فيني

وكل ماطلبته شي قالي

لا

مو لازم

يوم ثاني

بكره

بعدين

المهم مايسوي اي شي اطلبه منه

ودايما يقولي الرجال مايسمع للمره

حتى اثاث بيتي مايخليني اختاره هو ياثث وهو الي يسوي كل شي

وذوقه مايعجبني مره

انا اتعب لمني شفت الحريم يجوني ويشفون بيتي ويعلقون على ذوقه ويقلون لي ليش انتي ماتاثثين بيتك

انا اشوف الحريم زواجهم يسمعون كلامهم الا انا

ويسون لهم الي يبونه الا انا الله يهنيهم ماني حسدتهم

بس من جد تعبت ليش انا كذا مع هالرجال

تكفون ساعدوني فهموني ونوروني

انتم يالمتزوجات ايش تسون لزواجكم عشان يسمعون كلامكم

كيف تكلمونهم

وكيف تعاملونهم تكفون علموني تراني بالحيل تعبانه

ساعدوني بالله وراح ادعي لكل وحده تفيدني بظهر الغيب عسى ربي يعطيها لين يرضيها