المشاركة الأصلية كتبت بواسطة عمران

لكن على ما يبدو أنه يلمح لكِ أنه يحب ويرغب بأن تكوني مبادرة في خدمته وبره من دون طلب بأن تبحثي عن رضاه بكل الوسائل وذلك بتفقد أحواله والسؤال عنه وإدخال السرور على قلبه وكل هذا يكون بمبادرة ذاتية من دون أمر أو طلب,

فعلا اخي هذا اللى حسيتوا من كلام الوالد لما كلمني بس هوا مو عايش معانا علشان اهتم فيه والتمس له حاجاته ..

يعني الوقت اللى اجلسه معاه تقريبا من بعد المغرب ل12الليل ومن الاسبوع من 3 ل4 ايام بس وكلها في السياره


وبصراحه اعترف ايوه انا مااحب اتكلم معاه كثير لما اكون معاه بالسياره مااحسوا يفهمني وكمان هوا كل شئ يدقق عليه ابويا حساااس مرره اي شئ او كلمه غلط على طول ينتقد ويكبر الموضوع يخليني اندم اني تكلمت معاه ...

وكمان في نقطه تانيه حابه اوضحها ياريت تقولولي كيف اتعامل معاه فيها

الوالده منفصله عن الوالد من فتره طويله ..والى الان وهوا بالطيب بالقوه يباها ترجع
طبعا هيا مو راضيه وحاولوا معاها شيوخ وكثير ناس توسطوا لحل المشكله بس مافي فايده

المهم مافي شهر يمر الا يتكلم بموضوع امي كل مارحنا عندها يقول كلموها نحنا اقتنعنا وابويا يحن يقول مو قادر اطلعها من راسي

والله تعبنا حتى بعض الاحيان يخلينا عندها بس 3 ساعات علشان يضغط عليها ونحنا تعبنا من دا الوضع واي مشكله تصير له مع احد من خوالي لما يشوفهم في المناسبات
يجي يحط حرتوا فينا هوا صح مايضرب بس لسانوا عالطول شغاله ويحط قرارات جديده كل بعد فتره بس يطفشنا ...

الله يرحم والديكم قولولي كيف اتعامل معاه ونفسي احد يحلل شخصيتوا وانا جاهزه لاي اسئله حتى لو اسئله تخصني صدقوني بجاوب بكل صراحه ودي اعرف بس مني الغلط وانا مو قادره افهموا ولا هوا اللى صعب !!


شكري وتقديري لكم


...وفقكِ الله لكل خير ورزقكِ بر والديك

آميييين ولجميع المسلمين

جزاك الله خير عالدعوات الطيبه اخي عمران



..