نفساني - عرض مشاركة واحدة - الناس الان عطله ومبسوطين وانا لحالي مامعي احد

26-07-2010, 10:39 AM

أخوي منتظر الفرحة

شئ حلو .......وأكثر من حلو........أستمر بالتفكير بذي الطريقة وشوف وين بيوديك كلامك السلبي ذا

تدري أخوي أن الرهاب الاجتماعي بالذات.........مرض لعبة الشيطان

أخوي ترى والله ما أحد داري عنك وعن معانتك.......معطي الناس وجه وحاقر نفسك ومضيق عليها ولا تحترمها.......وتبغاها ترضيك وتطيعك.........معليش تستاهل ما يجيك.....وأكثر من ما يجيك.........تهين نفسك وتناظرها بنظرة دونية وتستحقرها......وتشوف إن الناس كلهم أحسن منها.......وبعد كذا تلومها

وبعدين لو ناظروك الناس.......خلهم يناظرون........وش عاد.........بيقطعون عنك رزقك.......ولا بيدهم الموت وبيموتونك..........يا أخوي والله كل واحد لاهي بهمه ولا أحد داري عنك..........وتزعل ليش وصلت لذي المرحلة وأنت عبد لإبليس......لاعب في تفكيرك لعب......وحابسك في قفص أنت معطيه مفتاحه........فلا تلوم الدنيا ..... شوف نفسك وش قاعد تسوي بروحك وشلون تعاملها.......

تبي العافية.......حب واحترم نفسك المسكينة اللي جرجرتها من كل محل....واللي تجلدها كل يوم.....باللوم والتأنيب

أخوي الشيخ بن عثيمين.......سأل عن واحد أعراضه مثل أعراضك بالعربي يعاني من الرهاب........قال هذا كله من الشيطان.....ويروح بالاستعاذة وقطع باب الوسوسة وقراءة المعوذات

أخوي معليش لو قسيت عليك.......بس والله حرام عليك نفسك المسكينة

أخوي ليش معطي الناس فوق حجمهم.........تبي العافية ....أقرأ عن عظمة الله وكماله.........واستشعر عظمته.......وقتها بيهون عليك الخلق......ونقصهم وضعفهم........وإذا تبي تسنشعر العظمة بحق.........تحسها بالثلث الأخير من الليل.......عندما تناجي الله ......
كرر ذي العبارة على نفسك(وكل الذي فوق التراب تراب).........الخلق كلهم ولا شئ.....صداع بسيط يطيح الواحد...فليش معتبرهم كأنهم ملائكة وخايف منهم

الله يقويك بنصره.......ويكفيك شر نفسك والشيطان.......ويجعلك من الواثقين المطمأنين