المشاركة الأصلية كتبت بواسطة تورينو

السلام عليكم ..... هذي اول مشاركة لي واتمنى ان نستفيد من خبراتكم ...

موووضوعي ... انا من زمان ماحب السفر واحس اني ماارتاح اذا نمت برى البيت او سافرت بعيد عن اهلي وسكنت لوحدي . مع العلم انه حصل لي صدمات نفسية وانا صغير. بس قبل سنه حسيت بشي غريب في الحلق زي الكورة بعدها بيوم كنت بالسيارة جاني شي غريب حسيت دقات قلبي تسرع وونفسي بينقطع حتى الاكل صرت اخاف منه اخاف اني اغص ونزل وزني وبعدها جتني الحالة يمكن خمس مرات صرت مااطلع من البيت حتى النوم انام وانا جالس علشان اللي بحلقي قالي الدكتور انه ارتجاع المري واخذت له علاج ورحت لدكتور نفساني واخذت علاج سيروكسات واستمريت عليه سنه وشوي بعدين تركتة وراحت الحالة اللي كانت تجيني بس اللي بحلقي يجي ويروح .. والان احس ان الحالة بدت تجيني بس على خفيف يعني ودها تجي خصوصا اذا كنت بالسيارة ورايح بطريق طويل يعني من ديرة لديرة ... حتى اني صرت اخاف من الامراض والاماكن المرتفعة واخاف اذا صرت راكب مع احد بالسيارة وهو مسرع واخاف اذا قالي احد ان فلان مات .. الان انا عاطل من سنه وشوي اخاف اتوظف برى المنطقة اللي انا فيها واذا رحت هناك تجيني الحالة. مع العلم انه اخر سفرة سافرتها قبل اربع سنوات.. فحبيت اسال المختصين الحالة اللي عندي هل هي نوبة هلع ام رهاب ام خوف ام عين ام ماذا؟؟؟؟؟؟؟