نفساني - عرض مشاركة واحدة

05-08-2010, 10:51 PM

هي فضفضة , انا عارف اني راح اضحك على نفسي بعد ما اكتب الموضوع بس من جد ودي اتزوج . اطالع في اخواني اللي متزوجين ممكن صح ماهم في سعادة بس على الاقل ما يعانون مثلي لانهم عايشين حياتهم بشكل طبيعي , يوم اشوفهم مشغولين مع عيالهم احس اني وحيد انا ما احسدهم بالعكس الله يوفقهم لكن اشفق على نفسي ويوم اشوفهم مع اطفالهم واناظر نفسي اقول في نفسي معقولة يجي يوم واصير ابو معقولة . هي بصراحة معقولة . انا ما فيني شي ولا ناقصني شي ولله الحمد والمنة لكن بلاي في نفسيتي صرت اهوجس كثير . واللي خلا موضوع الزواج يرن في عقلي هم الاهل طايحين فيني كل يوم نبي نزوجك . والمشكلة انهم مصدقين حالهم اللي تجيني وتقول شفت لك بنت في مناسبة وتوها بتعطيني المواصفات اسحب نفسي . من جد حتى الوراعين اللي اصغر مني تزوجوا . واحوالهم المادية والاجتماعية اقل مني . وهذا مو كبر لكنها حقيقة . اللي يقرأ كلامي الان يفكر اني مجنون او اني رجولتي ناقصة . لا والله الحمد لله عقلي معي ورجال ما احب امدح نفسي . لكن بلاي في النفسية اللي كل يوم تندمر اكثر صرت اعشق الحزن بشكل غير طبيعي صرت انطوائي وانعزالي صرت اتحاشى الاجتماعات والمناسبات صرت احب الوحدة اذا خرجت لو حتى بسيارتي واقول بس ابدور بالسيارة نص ساعة الاقيني مثل الغريب . حتى جوالي صرت اقفله وحاط خدمة موجود وما اتصل على احد سوى الاهل فقط . آآآآآآآآآآآه من الهم وآآآآآآآآه من العذاب اللي عايشه والمشكلة محد حاس فيني كلن لاهي بدنيته واشوف الناس مستمتعين وانا عكسهم اليوم عندي كأنه سنة والله صرت افكر افصل من وظيفتي صارت اهتماماتي كلها نت وقنوات رياضية . والمشكلة اللي تقهر ان الناس حاسديني مدري على ايش . وياكثر اللي حاقدين عليه حتى سيارتي ما سلمت منهم . انا اوقات ما احرك سيارتي يعني ممكن ثلاث او اربعة ايام اذا جيت اخرج بسيارتي الاقي اللي لاعب في البودي واللي كاسر القزاز واللي حاط مفتاح في الباب واللي حاط كيس زبالة على كبوت السيارة . ليه طيب . وليتها على السيارة كان هانت . على طاري سيارتي صرت اكرها ولا عاد ودي اسوقها . مشكلتي الحين الاهل يدورولي بنت الحلال والله نشبة من جد . اخذ بنت الناس واعيشها في هم وحزن . والا اجلس عزوبي طول عمري . ماعندي مشكلة بصوم واصبر لكن الناس بصير علك في حلوقهم اكيد بيقولون ماهو رجال . عشان تعرفون معاناتي صح . الاب توب حقي خربان والله له اسبوع ما قدرت اروح اصلحه مو مسألة فلوس الا ............... الحين جالس اسبوع استخدم كمبيوتر مكتبي . والله حالة .

اللهم ياذل الجلال والاكرام اصرف عني ما بنفسي
اللهم صلي وسلم على محمد وآله وصحبه اجمعين

المصدر: نفساني