نفساني - عرض مشاركة واحدة

08-08-2010, 03:35 AM

انا بنت عمري 23 عايشه مع اهلي اللي هم ام وابوي وحياتهم متذبذبه امي خريجه ثانوي وموظفه براتب 2000 وابوي ماجستير وله مركز قوي بالعمل وراتبه يتعدى 30000 ابوي مافي تكافوء من الناحيه العلميه او الماديه امي يتيمه من الصغر ومالها سند قوي وابوي ينظر لها نظره رحمه مع انه عايش حياته بالطول والعرض يسافر ويقول من باب العمل ويتحكم بكل صغيره وكبيره ودايم يحسسنا انو احنا مانهمه وقد قالها قبل انو اذا دخل البيت مايشوف احد يعتبرنا جدران عنده :frown:

عندي اخت اكبر مني وصيدلانيه وهي محط اعجاب واهتمام اهلي وانا دارسه علم نفس ويشوفون اني ولا شي مع اني مااشوف انو قدر الشخص بتخصصه حتى في الاجتماعات امي تعرف باختي باسمها وانها صيدلانيه وانا تقول اسمي وتسكت واذا سالها احد تقول تخصصي بصوت منخفض وكانها مستعيبه مني:redface: غير انو كل التقدير لها مع انو تصرفاتها كلنا نشكي من جفافها الا انو لها التقدير والكلمه المسموعه

عندي اخوان الله يهديهم مابي اعلق عليهم لانهم في حاله ضياع والكل شايف ويغمض عيونه ونردد مابيدنا حل ....
مشكلتي انو اختي ماتزوجت وكان يجيها خطاب وترفض احدهم عشان دخان او ماكمل دراسه او اي عذر قبل فتره صديقتي خطبتني لشخص ورحت اقول لامي قالت ماعليه جيبيه لاختك قلت لها البنت تقول لي قالت امي خليه يجي ومالها دخل مين نزوج احنا وحتى اختي قالت ايه خليه يجي ماعندي مشكله تكلمت مع امي وكانت تعيب فيه قدامي وتقول مايصلح لك وبنفس الوقت تسال عنه لاختي وكلمت اخته وتاخذ معلومات وامي واختي اصروا عليه لها لانها اكبر مني مع ان الولد اصغر من اختي ب6 شهور ومع انه موهله التعلمي اقل انا جدا حزينه من تصرفات امي تكذب علي وتطلع عيوبه وكل الحسنات تقولها لاختي حتى قالت لاخت الولد قبل مايجي للنظره الشرعيه انو انا مابي اتزوج وانو تقدم واحد قبله وقلت لو عصرت عليه ليمون ماراح اتزوج وانا ماقلت هالحكي كله عشان تقنعهم ياخذون اختي المشكله انو اختى تخطب اكثر مني لييييييييييييه لمى صار الشي لي اختي اصرت تبي تتزوج ؟؟ ليه امي تتصرف بهالطريقه ؟ حتى لو اختي اكبر مني وش ذنبي ؟ ليه اتنازل لها عن شغله باسم انها اكبر وانو هي بسن خطر انا بداخلي غضب قوووووي حاقده على امي وحاقده على اختي اللي تعودت تاخذ كل شي وهي قمه في الانانيه طووول حياتها مايهمها الا نفسها حتى توظفت وراتبها قوي وتشوفني بحاجه ماتمدلي ريال واذا دفعت شي اقل من 100 ريال تجلس تردد فوق راسي انو انا طفرت وماعاد عندي شي :confused: جواي لخبطه قويه ودي انسى الموضوع واصير طبيعيه بس احس انهم اخذوا شي مني غصب وكل ماطرى الموضوع احس بغصه قوووويه ويجيني احساس انو انا سيئه وخيره للولد مااخذني واخذ اختي وانو هي اخذت نصيبي وانو ماراح اتزوج للابد واللي صار عقوبه لي لاني نظامي كان غير سوي بس انا غيرت حياتي وتركت كل شي لوجه الله حتى الشغلات اللي كنت مدمنه عليها ن اغاني وصفحات التعارف مع ذلك احس اني مقصره بحق ربي وانو ربي ماتقبل توبتي هل كل اللي صار لي عقوبه ؟ انا سيئه وحقوده ؟..... اهل الولد بيجون الاثنين مدري شلون بتصرف احس بحقد على اختي وعلى امي وعندي برمضان موعد عمليه ودايم اكرر انو ان شاء الله ادخل للعمليه ومااطلع منها حيه ماعاد ابي الحياه لانو كلهم كذابين وانانين ومحد مهتم الا بنفسه عارفه انو كلامي مخربط بس اللي يجي ببالي اكتبه انا جدا حزينه

المصدر: نفساني