نفساني - عرض مشاركة واحدة

10-08-2010, 07:35 AM

سبحان الله تحبي اللون الرصاصي زيي..
كنبي فيه رصاصي..

عموما عجبني اللون الاصفر الفاتح.. .. راح اشوف..

والله يا وخيتي مبتلشة الحين بعيال اختي سهرانين امهم خلتهم امانة عندي لين ترجع من مشوار

يا رب ترجع بدري لان الامانة ثقييييييييلة :)

انا بصراحة اجتهد في تغيير نظرتي للتجربة هذي وذكرياتها على انها درس...

تعرفين الي متعبني اشياء كنت اشوفها امال تتحقق.. اذا تذكرتها اتعب.. لكن لازم اتذكر معها خيبات كثيرة ورهيبة وهموم اكلت صحتي وراحتي وفكري..

ابي افكر بعقلية الناجي من الكارثة.. مش بعقلية الضحية.. انا نجوت بفضل ربي من مشاكل يومية ومستقبلية..

ما اكذب عليك صديقتي.. اشعر بتعب شديد.. لكن احاول التعامل مع الامر كما يقول اخي عمران على انه امر طبيعي وسيمر..

المهم اني راضية عن قدري، وليس بيدي تغيير شيء كتبه الله علي.. انا أتألم لكن أتقبل ألمي وأنتظر اجتيازه..
سأحجز اليوم باذن الله لدى طبيبتي واراجعها لاجل الاكتئاب.. وعسى أن يفرج الله الهم..