|
استشارة ضروري تكفون ساعدوني
السلام عليكم
اعرفكم على نفسي انا عضوه جديده اول مره اشارك
من حيرتي كنت ابحث في النت عن اثار الدواء الي استخدمه ولقيت الموقع
وربي ييسر امري وامركم ويكون على ايدكم مساعدتي بعد الله
انا تعبانه كثير كثير كنت استخدم دواء سيبرالكس لمدة سنتين ونص او يمكن اكثر
ومع اخذ العلاج تجيني انتكاسات اكتئاب كنت اخذ حبه ومرتاحه جدا وقبل وب
فتره تعبت كثير ورجعت لي نفس الاعراض قبل ما اخذ الحبوب
>>>> غير ان مخاوف كبيره كانت تنتابين اني اظل طول عمري اخذ الحبوب واظل اعاني من اعراضه
كوابيس ليليه و وزن زائد وخمول وكسل
المهم زدت الجرعه قبل كم اسبوع رفعت الجرعه الى حبه ونص لكن ظليت على حالي بدون تحسن خمووول وحزن وعدم المقدره على مقابلة او زيارة اي احد حتى وان كان خواتي او امي
حت التلفاز ما اقدر اقعد اشوفه او اتابع شي
خوفي ان زوجي يمل مني ومن تعبي
راجعت الطبيب وغير لي الدواء الى (تربتيزول ) مع اني قلت له ما ابي اغير الدواء
خايفه من اثاره لكن صمم علشان يعرف الاعراض من الدواء او من شي ثاني
>>>> بصراحه الدكتور احس ما يفهمني كل ما اقول شي يستنكره وكاني اقول له شي غريب اول مره يسمعه
لكني ما اعرف غيره
الان بعدني تعبانه كثير الحزن يحوط بايامي و اوقاتي احب اقعد لحالي وما اسمع احد
لكن عندي بيت واولاد
دايم متوتره امسك اعصابي بقوة علشان اقدر اتعامل معاهم
تكفون ساعدوني خايفه كثير من الدواء الجديد ومن اني افضل طول عمري على هذه الحاله
تركت الناس واهلي وقاعده بعزله ما احد يعرف عن مرضي سوا زوجي
غير ان حاسه حتى صحتي الجسمانيه تتدهور يوم بعد يوم
والقلون والمعده تاعبيني كثير الام تنقص علي يومي
احس اني بنفجر ودي اصرخ ودي ابكي بس مو قادره مخنوق وما احد فاهمني
|