نفساني - عرض مشاركة واحدة

22-08-2010, 05:57 PM

اه ابكيتنى يارجل لقد تأثرت بكلامك جدا

خصوصا لما قلت اننا كنا نتقاسم الاكل ونعزم على الجيران

راح فين الشعب بقينا زى الغيلان

ضرب وعنف وبنات عريانة ماتعرف هما مصريين والاامريكان

الله يلعن امريكا ياشيخ خربت العالم بأسم العلم ومن يوم ما جات القنوات

الفضائية وراحت ماما نجوى وجالنا جرنديز راح الحنان والطيبة والرقة

وجالنا افلام رعب تشييب وافلام عرى باسم الحب وخرب الشباب

الله يرجع لنا ايام زمان لما مكنش فية غير الراديو

ويقعد طلب يقول ( مالسيدة لسيدنا الحسيين )

والا محمد رفعت ومسجدة فى المغربلين والا الحلمية الجديدة ياسلام

انت عارف لية بتحس بامان فى المناطق الشعبية دى لأن لسة فية بقايا حب وود

بين الناس تعالى كدة فى المغربلين و أوقع فى الشارع متهيالى مش هتلحق تلمس الارض

هيسندوك ويقعدوك ويجبولك مياة ويقوللك سلامات ويجبوا الواد الدكتور ابن ام احمد لسة متخرج بس شاطر

وواحد يقول اية دة انا لسة كنت عاوز اجوزك البت والتانى يضحك فى وشك ويقولك روق مايقع الا الشاطر

ياسلام فين الناس دى

تصدق فى العمارة اللى ساكنة فيها خالتى بلغوا الشرطة من يومين قال اية في ريحة واحشة طالعة من شقة

وطلعت خالتى امى صبحى الله يرحمها ابنها مسافر وما حد سال عنها ماتت وراحت وابنها عرف بعدها بشهر

اخص على البشر لما ينسى امه شهر

اه اه اه اه اه اه اه لية بقينا كدة والفيدة اية

منرجع احسن لأصلنا ونشوف كنا اية

ولا نبتكر حاجات ضررها اكثر علشان اية تقليد اعمى مفيش منه رجى