سجينة افكاري

بيانات اضافيه [ + ]

رقم العضوية : 31442  تاريخ التسجيل :  08 2010  أخر زيارة : 31-03-2011 (07:51 AM)  المشاركات : 276 [ + ]  التقييم :  10

لوني المفضل : Cadetblue

يارب رحمتك فينااااااااا

السلام عليكم ورحمة الله وبركاته



يشهد الله اني لما دخلت هالمنتدى وقريت مواضيعكم بكيت وحسيت ان في ناس تعاني مثلي
اللهم لك الحمد ولك الشكر على كل حال
طبعا انا مثلكم مريضه بالهلع
وكنت اعاني من عدة امراض نفسيه من خمس سنين
بس الهلع من سنتين بدا فيني
وهي كالتالي
اكتئاب
وسواس الدين >> وكنت في فتره من الفترات افكر الحد والعياذ بالله
وسواس الموت
البوليميا << يعني اكل بشراهه واروح ارجع كل الي اكلته ( تكرمون)
الهلع << وهاذا الي تعبني


انا متزوجه من خمس سنين ومع بداية زواجي بدت فيني الحالات النفسيه مع اني املك كل اسباب السعاده الي تتخيلونها
جتني اول نوبة هلع قبل سنتين قبل رمضان بشهر وكنت اعتقد ذاك الوقت اني بموت وسرت المستشفى وسوولي تخطيط وطلع كل شي سليم ولله الحمد
وبعدين جلست فتره مافيني شي بس خوف وقلق وحاله نفسيه سيئه جدا
واول يوم برمضان بدت نوبات الهلع تهجم عليه كل يوم
وطبعا الطوارئ هي ملاذي فهالحاله وابر المهدئ
رحت عند اربع دكاترة قلب
سويت تخطيط وايكو وفحص انزيما وفحوصات بوتاسيوم وصوديوم وكلها سليمه ولله الحمد
ولكن الالم الي فصدري عذبني وحطمني
رحت لدكتور نفسي وعطاني سبرالكس
وجلست سنه ونص عليه تحسنت كثيييييييييييييييييييييييييير وتغيرت
وفكرت اني اقطعه بعد ما استشرت الدكتور
وجلست سته اشهر بخير ولا فيني شي
وفبداية رمضان رجعت لي نوبات الهلع بقووووووووووووووووووه
والله اني فطرت يومين وانا اتقطع من الحزن بس الله العالم بحالي
لان لما تجيني نوبة الهلع اكون عطشانه واحس الماي يخفف شوي
وكل ما اروح للطوارئ يكتبون لي ابر
اخذت مره ابره
والمره الثانيه رفضت لان صار عندي خوف من الادويه ومن الاخطاء الطبيه
رجعت للدكتور النفسي وكتبلي ث ادويه
اندرال وسبرالكس ومنوم
اخذت السبرالكس بس
والاندرال قريت عليه انه ياثر ع القلب ومستحيل اخذه
يعني خلاص احس اني بعيش طول عمري مع الادويه
والله جاني احبااااااااااااااط
المشكله الالم يزيد فيني ويوصل للكتف والرقبه واليد اليسار
انا ماعندي مشكله مع اي شي
بس مع الالم
ياناس محد يصدقني انا خايفه
والله افكر اسافر برع يمكن هنا ما يعرفون
ضاقت بي الدنيا ضيعت اجمل ايام عمري بين الخوف وعمري 24 ولا حاسه بشبابي
وخايفه على عيالي وزوجي واهلي
لاني احبهم ويحبوني
يارب رحمتك

المصدر: نفساني