شوفي أختي غموض سويت لك بحث سريع بالعربي والإنجلش وحطيت لك الروابط عشان تتأكدي أكثر
أختي المشكلة مو محتاجة كل هذا القلق وشئ طبيعي أنها تصحيك من النوم لأن ما عندك شغلة إلا هي، وأنتي نفسك تقولي أنك اعتزلت الناس بسببها، معليش أختي أنتي مكبرة الموضوع والمسألة مو محتاجة كل هذا القلق، أنا زمان كنت أخاف منها بس بعد ماقريت أنها شئ طبيعي ومالها مضاعفات صرت أتجاهل
أختي شوفي والله لو سجنتي نفسك أو واصلتي ليل ونهار في هم وغم اللي كاتبه لك ربي بيصير والموت بيجيك بأي حال حتى ولو كنتي سليمة وماتعاني من شئ
تعددت الأسباب والموت واحد
تقربي لله وأحسني علاقتك معه وتوكلك عليه ولا يهمك الموت وعلى أي حال أتاك
شوفي أختي أنتي برمجتي عقلك الباطن أنه يتفاعل مع هذه المشكلة وصرت بس طول اليوم تستنين متى تجي وأول ما تجي وتدق الباب طيرااااااان تفتحي لها الباب وتلبي لها طلباتها، تقولك يالله خافي تقولين لها طيب، تقولك بتموتين قريب تقولين إيه شكلي، وهي مبسوطة لقت وحدة معطياتها وجه وترحب فيها
ثاني مرة إذا جات لا تعبرينها وخليها تمر من غير لا سلام ولا كلام صدقيني بالنهاية بتطفش بتقول وش فيه هذي وبتروح هي والشيطان يدورن فريسة سهلة ثانية
وصلت الفكرة؟؟؟؟؟؟
وزي ما تشوفين في البحث المشكلة سببها كثرة تناول المنبهات وقد تكون بسبب التوتر والقولون وزيادة المجهود البدني، وأعتقد لها علاقة بفقر الدم هذا مالاحظته بعد على نفسي فانتبهي لهذي الأشياء
الله يشفيك ويشفيني ويطمنا بالإيمان
ولا تنسينا من صالح دعائك