|
تعالوا يامهلوعين اقلطوا هنا وبتطلعو مبسوطين باذن الله
السلام عليكم ورحمة الله وبركاته
مبارك عليكم الشهر <<<< بدري
للاعضاء الجدد اللي مايعرفوني والاعضاء القدامى اللي يعرفوني
اسمي سابقا كان (المعتبر) طبعا يلقبوني الشعب شيخ الهلع
انا اكثر انسان شقلبني الهلع ولعب فيني لعب والحمد لله ان شاء الله تخفيف ذنوب
الزبده اني تشافيت ولله الحمد عشت ايام عمري طلعات روحات جيات سفرات وكل شي
وكتبت مواضيع كثيره ونصايح كثيره تلقونها هنا بس مادري في اي صفحه
بصراحه انا اتابع الاعضاء ومواضيعكم من فتره لفتره
واحب اقووولكم وبالخط العريض ((باذن الله بتتشافون وتنسون شي اسمه هلع ووساوس وكلام فاضي))
لاني ماتوقع انسان مر بحالتي انه راح يتشافى وهذا انا الحين اكمل السنه الثالثه وانا بخير وصحه ولله الحمد
عليكم بالرقيه يا اخوان (اسال مجرب ولا تسال طبيب نفسي مايدري وين الله حاطه)
والله ان الاطباء النفسيين فاهين في هالحياه مايدرون وين الله موديهم
العلاج في الرقيه يا اخواااااان طيعوني لو مره بس:biggrin:
على كثر مانصحت بس للاسف القى معارضين
الطب النفسي وبكل اسف ((طب الضعوي))<< بلهجة اهل الرياض
عاد لا تسالوني وش الضعوي :biggrin:
المهم اعيد واقول لا تخافون ولا تشيلون هم ورب الكون وبامره وارادته سبحانه بتشوفون العافيه
هذا اللي عندي وحبيت اقوله
دمتم في حفظ الله حبايبي
|