|
تجربة:شعور بعدم الاتزان يتكرر عندما اكون خارج البيت
السلام عليكم ورحمه الله وبركاته
كيف الحال وان شاء الله الكل يكون بخير ومرتاح ...
من كم يوم تقريبا كنت انا والاهل رايحين السوبرماركت وعاادي شرينا اغراض وخلصنا
وانا كنت واقفه انتظرهم
وحسيت شوي بعدم توازم وكاني سأسقط على ورى بس كان شعور بسيط يمكن لاني ما اوقف بثبات وتجاهلت الموضوع
وبعد 3 ايام رجعنا لنفس المكان وبنفس الشي وانا واقفة حسيت بنفس الشي بس كان اوضح وكأن جسمي مو ثابت بس هالمرة مع تنميل خلف الرقبة وبالظهر والرجلين وشعرت بخوف وقلق استمر لفترة بسيطة وراح بس ظل التنميل بالارجل مستمر كاني امشي في الماء بس قدرت امشي بروحي ما احتجت لحد
لين وصلنا السيارة وخف شوي الشعور ولما وصلنا البيت اختفى بس عقب بدت فيني افكار و وسوسة واقول لنفسي يمكن هالشي اللي صار لي خطير ويمكن مرض خطير وهاذي بداياته
مع اني من زمان من اول ما بدت فيني نوبات الهلع دايما يصيبني شد في الرقبة والظهر ويخف مع المساج والاسترخاء وتمارين التنفس
وعقب بديت ادخل Google واسوي سيرج عن الامراض والدوخة وماعرف شو وتطلع لي اشياء تخوف وزاد خوفي والافكار زادت ورجعت لي النوبة وشعرت بضيق
وجلست مع نفسي وقفلت المواقع والسيرج وقلت: لو فيني شي خطير لا سمح الله كان ماقدرت اوقف على رجولي وانا اعرف نفسي زين انا اتحكم في افكاري وليست افكاري اللي تتحكم فيني
وفي الفترة الاخيرة صرت امارس الرياضة بانواعها واكلي صحي واشرب مياه بكثرة
و امارس جلسات استرخاء وتنفس عميق وهالشي ساعدني جدا
بس حكاية هالدوخة خوفتني شوي لاني ما كنت متوقعتها
والحديث الايجابي مع النفس يساعدني جدا بس لازال هناك تخوف من هالشي يتكرر اذا طلعت مرة ثانية
بماذا تنصحوني؟
|