إحساس الوحدة

بيانات اضافيه [ + ]

رقم العضوية : 31252  تاريخ التسجيل :  08 2010  أخر زيارة : 23-11-2010 (07:59 PM)  المشاركات : 161 [ + ]  التقييم :  10

لوني المفضل : Cadetblue

بليييييز محتاجة رأيكم

سامحوني واستحملوني

ماالي احد غيركم لما تضيق فيني الدنيا

الكل بيقفل بابه ويسد اذانه لما اشكي الا انتم

اكيد عرفتوا اني موظفة وبصرف على اهلي حتى اختي المتزوجة

طوال الايام اللي فاتت قضيت لهم كل حاجات العيد

والله حاجات راقيه واسعار معتبرة واحتسبتها عند ربي

لما جيت اقضي لي

طبعا تقريبا خلص الراتب

اخذت الطقم وباقي الشنطة والجزمة (وانتم بكرامة)

كنت شايفة شنطة جنااان تقليد ماركة وسعرها حامي شويتين

بس اجلتها لما اشتري طقم العيد

لما رحت اجيبها وقفتني اختي (المتزوجة) عند كشك وشوفي هذا الشنطة

وهذيك غالية وفرق كذا وكذا وانت تقولي الراتب خلص و و و

اخذتها للمحل ووريتها الشنطة اقولها مو فخامة تقولي انتي عارفة رأيي

بدون ماتشوف الشنطة

حرقتني كأنها تقوللي انتي مو خرج (ماتستاهلي)شنطة غالية

طلعت واشتريت الشنطة من الكشك وانا مقهورة

واحس نفسي ندمانة

مشكلتي قلة ثقتي في نفسي وفي ذوووقي من قد ماعقدوني وانا صغيرة

واللي يخليني متأكدة انها مستكثرة علي شفنا خواتم اكسسوار بـ 35 ريال قالت لي

مجنونة تشتري خاتم بـ 35 ؟؟!!!!!!

قولوا لي بالله فين تلاقي خاتم ارخص من كذا في هذا الغلا ؟؟؟

ايش رأيكم ارجع الليلة اشتري الشنطة والا عوضي على الله ؟؟

وكمان عاجبتني جزمة (وأنتم بكرامة) من ميلانو بحدود 300 ريال اشتريها او لا ؟

الله يخليكم حطوا نفسكم مكاني وقولوا لي ايش كنتم راح تعملوا ؟؟

(ملاحظة في كل الحالات راتبي ماراح يكمل معي للشهر الجاي)

المصدر: نفساني