نفساني - عرض مشاركة واحدة

03-09-2010, 07:22 PM

اقتباس:

المشاركة الأصلية كتبت بواسطة اسامه السيد

عزيزى كل راجل متجوز ....

كان الله فى عونك .....

لألألألألألألألألألألألألألألألألألألألألأ

ماتزعلوش ياستات

مش قصدى والله

انا قصدى إنه اتنقل من حياة العزوبيه والصرمحه ؛ والمشى ع الكيف

لحياة تانيه ؛ فيها مسؤوليات وواجبات والتزامات

عليه يأديها برجوله وجدعنه

عشان الست اللى ربنا رزقو بيها دى تكون راضيه وسعيده

عشان كدا قلت لك : هات ودنك

واحد صاحبى من الرجاله الفهيمه ؛ كتب شوية كلام حلو

عايز اسمعهولك ..

اسمع ياسيدى اخينا بيقول إيه :

الست دايماً بتحب جوزها.. اللي دايماً يضحك ودايماً فارد وشه ..
يدخل البيت .. ينور ويفرح كل اللي فيه .. من كبير لصغير...
مستنيه جوزها يجي أول مايدخل من باب البيت ياخدها في حضنه ويقولها واحشتيني أوي.. وطبعاً هي مستنياه بأجمل هدوم وأجمل برفان وأحلى كلام وابتسامه..
مستنيه الراجل اللي يدخل مهما كان فيه عارف أنه بالإستعانه بالله يقدر يفصل بين حياته بره وبين جوه ويعرف أن فيه ست مستنياه ليها حقوق عليه وليها عليه حسن المعاشرة..
كل الستات بينها وبين جوزها طبعاً مافيش كسوف ولا حياء .. مستنياه يلاعبها ويلمسها لمسات حنينة ومثيرة ليها..
الست مهما كانت زعلانه ومتضايقة لو جوزها أخدها في حضنه .. وطبطب عليها ودلعها دلع رقيق .. هتدوب في إيديه وهتنسى اللي هي فيه..
ومن وقت للتاني ألعبوا مع بعض أي لعبة وماتصتصغرش نفسك أنت كبير وفي عينيها هتفضل أجمل وأحن وأطيب راجل في الدنيا.. وماتستغربش من الكلام ده..حبيبك وحبيبنا سيدنا محمد صلى الله عليه وسلم كانت يسابق السيدة عائشة رضي الله عنها
الدلع والرقة والحنية بتختلف من راجل ل راجل.. في راجل متمكن ويعرف أزاي وأمتى يهزر وأمتى يدلع وأمتى يكون جد..
وفي رجاله بتختار أوقات غلط .. زي مثلا شايفها قصاده متضايقه من حاجة المفروض يسيبها لحد ما تهدى وبعدين يدلع لكن ممكن في الحالة دي يأخدها في حضنه ويطبطب عليها بدون كلام..هتحس قد إيه هو حاسس بيها ..
نصيحة لكل زوج : طبطب ودلع ولاعب.. وأفتكر أن كل لمسه في ميزان حسناتك وأفتكر أن ممكن الطبطبة دي والرحمة اللي فيك دي وبترحم بيها زوجتك وطيبتك معاها وحنيتك وأنفاقك عليها وأعطائها كل حقوقها النفسية والجنسية والعاطفية..باب من أبواب الجنة..بنية أن حبك لزوجتك ده شكر لنعمة الزوجة الصالحة اللي ربنا وهبهالك..ولو أنت شايفها مش صالحة عاملها برضة أحسن معاملة وأفتكر أنك بتعامل ربنا وثوابك كامل وبنيتك برضة يكون طريق للجنة إن شاء الله..وربنا يسعدكم يارب العالمين

انتهى كلام اخونا الطيب

يارب يحوق فى جتتك ههههههههه

على فكره : يمكن تشوفنى ناطط تانى هنا ؛

وواخد ودنك التانيه ؛ اسمعك فيها برضو كلام

من الحلو المفيد دا

ماتزهأش منى .....

العنوان كأنك تقول (بصبح عليك ) ... اكيد فاهم ...