نفساني - عرض مشاركة واحدة - اذا ممكن قراءة موضوعي والرد عليه بأسرع وقت

21-09-2010, 01:39 AM

حياك. الله استاذه ليلي

واتمنا. تساعديني بحل مشكلتي.

شوفي الله يسلمك

انا اصغر اخواني واخواتي . .بنت مدلله. لابعد حد. .يعني ما اذكر احد ضربني ابدا ابدا ولله الحمد وحتي اذا احد شاف مني شي يقول لامي وهي تقولي. .
واي شي ابيه يتحقق..
خاطري مراعى من الجميع

انا جديه نوعا ما. .ما احب المزح .الا القليل منه. اذا حبيت شخص حب حقيقي ثم اساء لي او جرحني يطيح من عيني وتصير علاقتي معه جدا جدا رسميه..
.
اكره الازعاج. ما احب احد يتدخل في خصوصياتي..
يعني غرفتي ما احب احد يدخله الا بعد الاستأذان .اغراضي نفس الشي يعني عكس خواتي الوضع عندهم عادي.

متعلقه بامي بشكل موب طبيعي. لدرجه انام بحضنها واخاف عليها اكثر من نفسي. يعني ما ابيها تشتكي من تعب او مرض لدرجه احيان تتعب ولا تقولي.

اذكر يوم كنت صغيره ما اخليها تروح لاي مكان الا وانا معها حتي لو بتروح لعزاء اروح معها.
تصدقين انا تقدملي اكثر من خاطب وكنت ارفضهم بسب اني ما اقدر اخلي امي لحالها لان مافي الا انا والباقين متزوجين.
والحين انا خاطبني واحد ومتردده وخايفه عشان ها السبب وغيره

اما بنسبه لطفولتي .فانا. تيتمت وانا عمري ست سنوات. بس ما اذكر ابوي زين وتبين الجد انا ما احس اني فاقدته.
انا مسالمه يعني ما اضرب احد وحتى .صديقاتي ابحث عن وحده تكون هاديه ما احب البنات المشاغبات او اللي تضرب. هذي اتجنبها بكل ما استطيع
اذكر عانيت كثير وخليت اهلي يعانون يوم دخلت المدرسه. كنت ارفض اروح لها ثم صارت اختي تروح معي لمدة سنه كامله

لكن بعد كذا درست والحمد لله.

في المرحله المتوسطه توفت اختي الي اكبرمني وكانت اقرب خواتي لي فقدتها لدرجه كبيره. .اذكر اربع سنوات كنت ابكيها بشكل دائم.
ثم بديت اخف واحين لها تسع سنوات. اصبح الوضع طبيعي

علاقتي مع اخواني. عاديه. .يعني. شبه .رسميه.

الحوار شبه معدوم مع اخواني . لان ما احس ان في مواضيع مشتركه بيننا.
علاقتي مع خواتي كويسه واشعر. بهتمامهم فيني ومراعاتهم لي في كل وقت.

انا قليله الكلام. . لكني اذا كلمت احد بالمسن اكون غير يعني سواليفي . احسن بالكتابه.

اما مع الزميلات فانا من النوع اللي حذر في اختيار الرفيق.

عددهم قليل جدا. اذا وحده. منهم. تركتني ما اسأل عنها.
احب الصديقه الهاديه اللي تفكيرها نفس تفكيري.

الصداقه عندي في حدود المدرسه والجامعه.

يعني بمجرد تنتهي المدرسه انساهم.

اما والدي فسبق وقلتلك هو متوفي وانا ام ست سنوات.

اتمنى اكون كتبت المطلوب. ..
.
.

..

.