}{يارب فرجها}{

بيانات اضافيه [ + ]

رقم العضوية : 31688  تاريخ التسجيل :  09 2010  أخر زيارة : 17-10-2010 (12:33 PM)  المشاركات : 19 [ + ]  التقييم :  10

لوني المفضل : Cadetblue

لا تخلوووووني بالله شسوي برايكم؟؟

السلام عليكم ورحمة الله وبركاته

اخوووتي انا جديده وابي منكم تتفاعلووون معي لأني مره تعبت وربي

انا بنت جميع الأمراض النفسيه مريت فيها من يومي صغيره لحد الأن يعني رهاب وهلع وكل شي سوا

بس انا اللي متعبني هو مررضي اللي احسه غريب يقول لي الـ د/..انها حالة هلع شديده بس ع كثر المصابين بمرض الهلع ما عمري شفت او سمعت ان احد عنده نفس حالتي

تكفووووووووون ساعدوني انا ابي تفاعل انا ابي مساعده وبنفس الوقت افضفض تخيلوا فيني هالحاله من تقريبا 10 س بس اشتدت علي من 7 س تقريبا والحين بقوووه اتعبتني انا كتبت اللي كتبته ابي احد يقول انا زيك ابي احد يحسسني اني ما اعاني بروحي من هالمررض بس قبل عيشوا اللي انا عايشته بس شوي اوضح لكم وبعدها اكتبوا اللي تكتبون

انا لا جاتني الحاله قلبي يخفق احس وجع بالمعده كن حجر فيها وهذا من القلق معروف وايضا رعشه من داخل والم في الراس بقوه وتعرق مع برود وهذا كله من الهلع بس اللي متعبني اني احس اني طااايره احس اني خفيفه احس اني بدون عظام وبنفس الوقت جسمي ثقيييييييييييييييل مرا ما ادري كيف اوصف وثقل في الفك وقلبي احسه واقف وما اسمعه واحس الدنيا صفرا وبعدها الطامه اني اصرررررررررخ بقووه واحس اني ما اصرخ رغم اني اهز البيت اللي ورى جيراننا من جد صرررخه قويه واقول شي ما استوعبه واحس ان اللي عندي مثل الألعاب وقت الصررخه وبعدها اهدي وارتاح إذا احد ضمني وانا في هالحاله ومرات اضم اللي قدامي عشان يهووون علي عشان ارتاح اكثر واحسه يرص عظامي عشان احس انها في مكانها

ادري زودتها بس تحملوني تخيلوا في كل مكان تجيني في السياره وعاد هنا تعب بشكل الله لا يوريكم معاناة معاناة بقوووووووووه والله معاناة ااخ بس خلوها ع الله وكمان لما اتروش ومرات وقت النوم وإذا جيت انوم واغلبها بدون اي مناسبه


انا اللي ابي اقووله اني في سن زواج

بالله كيف اتزوج وكيف احمل وكيف اجيب عيال وكيف اسافر لشهر العسل حتى مرات ما اتجرأ احلم عشان ما اتحطم بعدين حدي في السياره دقايق

كيف اتحمل مسؤولية بيت كيف وكيف وكيف

حتى اني تركت الدراسه سنتين لهذا السبب وحولت انتساب بعدها ولو تشوفوني في الإمتحانات ان كان تذرفون دموع تخيلوا عارفه الإجابه بس مو قادره اكتب واخرتها نسبه مو عاليه مع اني عااارفه ااه بس الحمدلله

صارت لي احراجات كثيره اصارخ قدام ناس ما ابي اصارخ قدامهم


يا الله بس انك تفرجها


المشكله اني في سن زواج ورفضت خطاب بجد خاايفه ومتضايقه ليش اني ما اقدر اتزوج

اهلي تعبوا معي كيف ولد الناس بتقولون تعالجي

تعالجت صغيره وكبيره ما فيه اي فايده غير الأعراض الجانبيه من هالأدويه اللي اكلها وقريت عند مشايخ وهذي انا صح تحسنت شوي بس تعبت ودحين رجعت وانتكست بقوه

يعني بالله من يومي صغيره وانا تعبانه وحاولت بتقولون حاولي دحين قبل الزواج بأقول اللي مضى اكثر ومع ذلك ما تحسنت ولله الحمد سبحانه فصعبه

قولوا لي شسوي انا خاايفه ما اقدر حتى ابعد عن اهلي ولا بعدت زادت حالتي اكثر

انا فرحت يوم انضميت لكم لأنكم عشتوا صعوبة المرض النفسي فلا تخيبوا ظني ولا تخلووووووووني ابي ارائكم ومروركم ولو بدعوووه لي بالشفااء

ااه بتسألوني عن امنياتي..اتمنى اني

اعيش لذة الدراسه مثل اي بنت طبيعيه

اتمنى اني اتزوج وافررح بدون تعب مثل اي بنت

اتمنى اني احمل واجيب عيال واربيهم مثل اي بنت

اتمنى اسافر اروح واجي وعادي عندي

اتمنى اعيش حياتي عادي

اتمنى واتمنى واتمنى

اريد نعم اريد والله يفعل ما يريد سبحانه


يعني اوافق ع الزواج لما انخطب ولا اقول لهم واظلم ولد الناس او اقول لهم الصدق واترك الناس يتكلموا عني

وانتوا عارفين عاد


وهل فيه احد مثلي


اختكم اللي بجد تعبانه..<يااااااااارب فرجهآ :)

لكم احترامي

المصدر: نفساني