|
ساعدوني لو بدعوه من القلب ..
انا عارفه انو مو لحالي اللي اعاني كلنا مرضى وكلنا مبتلين ولكن يمكن فيه حالات اشد من الاخرى ..
انا حاليا" في عمر زواج ومليون سؤال وسؤال في راسي ..
وفي الفتره الأخيره صار هالموضوع هو المسبب الوحيد لحدوث نوبات الهلع ..
كيف باتخذ قرار مصيري كيف بسافر كيف بدخل على عائله جديده كيف ببتعد عن أهلي كيف بتحمل المسؤليه ..
وانا اذا صابتي اعراض الهلع لازم اعزل نفسي لمدة دقايق .. والا تدهور حالتي ويمكن استفرغ او ادوخ او او او
انا ما أظمن اني اقدر انعزل لوحدي في كل لحظه صح والالا..؟؟
>> مع العلم انها ماقد صارتلي لأني ولله الحمد ولامره فقدت السيطره على نفسي
الا ان الخوف والقلق من غياب الوعي دايم في بالي
انا ابغى من ينصحني كيف تكون نظرة الزوج لزوجته اذا كان عنده علم بأنها مصابه بمرض نفسي..؟؟
انا موقادره ادخل حياة جديده اخاف اني ما اقدر استمر فيها انا ابغى حياتي تكون خاليه من اي تجديد
ما ابغي سفر ما أبغي دراسه ما ابغي ماأبغي.....الخ
انا المشكله اللي فعلا" مضايقتي هي الغثيان وقت حدوث الحاله..
لما تبدى معي نوبه خفيفه علطوول احس بالغثياااان احيانا" اكون في السياره او جالسه في مجموعه بين اهلي وكذا
لو قدرت اصبر على نوبة الهلع وضربات قلبي الشديده ماقدرت احكم نفسي او اصبر نفسي من الترجيع او الاستفراغ >> الله يكرم الجميع
فأكيد اللي حولي كللللللهم بينتبهون لي وراح الفت نظر الجميع
ووقتها كيف اتصرف اقولهم اني مريضه وان هذي اعراض الهلع مستحييييييييييل
ياجماعه انا موقادره اكمل دراستي مو قادره حتى ادخل دوره لمدة شهرين او ثلاثه ..!!!!!
اخاف من الاعراض فجأه يتعكر مزاجي واحس بخمول..
ولو تجيني افلونزا او اي مرض لازم تجيني نوباااات الهلع >> ليييييييييه
انا كلي اسئله
كلي استفسارات
كلي حيييييره
ابغى دروس في التطنيش ابغي اشغل نفسي بوقت النوبه ابي اكون محترفه بهالشي >> موقادره
كونو معي لاتبخلون علي بنصائحكم وتجاربكم ..
الله يجزاكم عني كل خيييير يارب
|