بقايا أنثى

بيانات اضافيه [ + ]

رقم العضوية : 26858  تاريخ التسجيل :  01 2009  أخر زيارة : 02-08-2019 (09:44 AM)  المشاركات : 13 [ + ]  التقييم :  10

لوني المفضل : Cadetblue

إحساس بداخلي

السلام عليكم

أنا عندي مرض مزمن
وعمري 30 سنة

من صغري كنت انخطب وكنت اقول بادرس
لما كبرت وصار القلب يتعبني أكثر
صرت ارفض اتزوج عشان المرض والعلاج ومافي احد بيتحملني وبيتحمل بنت لازم تحمل بطبيب وتحت اشراف فريق طبي
اكيد كل الشباب مايحبون هالامر لو انا بنت السلطان :)

وصرت اقول لابوي لا وكل مرة لا وكل مرة لا

تاقلموا اهلي مع الوضع وبطلنا نتكلم فيه

وبالعكس لما احد يخطبني ويتزوج غيري افرح
يمكن عندي شعور اني ناقصة عن البنات
فأحب للمسلم مااحب لنفسي
انه يتزوج وحدة تقدر توفر له كل شي


من سنة يمكن
انخطبت لاخو زوج اختي
وكالعادة قلت لا
زوج اختي اصر كثير على اهلي يشاوروني بعقل مو بعواطف
تكلمنا كثير وشد وجذب شهر
ليه هالخطيب بالذات يصير كذا ؟
ماكنت فاهمة
مااعطيت نفسي لحظة تفكير فيه
لان ا لمبدا عندي لا وبس انتهى بس ليه اهلي اصروا ذي المرة كذا

يبغاك بعيبك !!
الكلمة قوية علي بالمرة
لاني مافيني عيب الا بلوة من ربي :mad:

طنشت الموضوع وكملت شغلي وبديت مشروعي ونجحت وافتتحت مشغل نسائي


صارت أخته تتردد ع المكان كثير وانا اعاملها عادي جدا


لكن
انا ماابغا اتزوجه لاني ماابغا واحد اقل مني تعليم
اكيد ماراح يفهم بتعب قلبي
ولاراح يقدرني هذا سبب كافي اقول لا

ماباتزوجه لاني ماابغا اتعب بعد عمري ذا وانا مدللة عند اهلي



في داخلي شعور كبير انه لي وماقلت لاحد عليه
صرت احس انه يخصني
ماتكلموا قدامي ولا بكلمة
بس فعلا حاسه انهم بيغصبوني او بانخطف او بيصير شي قوي علي

والله اني صرت اسمعهم يتكلمون عن شي مسوية
احس اني اعرفه ومن زمان


الشعور متعبني
لو اقول جابوا لي منه كلام اوك يمكن لنت شوي وبدت خيالات
بس جد ولاسمعت كلامه ولا سمعت ايش قال ولا شي


كيف اتخلص من هالشعور لاني ماابغا اضعف واتزوج
عارفة وش بيصير بعد الزواج ومو ناوية ادخل بمتاهة

الشعور ذا حقيقي ؟؟؟؟؟


ادري مو استشارة
هي فضفضة او شغلة متعبتني وخايفة منها بجد



شاكرة لكم

المصدر: نفساني