بما ان هالقسم خاص ومحد يقدر يشوف المواضيع الا صاحب الموضوع
والمختصين فقط
فانا بقول كل الي في بخاطري بكل صراحه
واتمنى احد يوقف معاي لاتتركوني استمر في طريق الضياع
انا امراه متزوجه عمري 28 سنه مو صغيره يعني
لكن انا ماحسيت بالاستقرار النفسي مع زوجي
وماعرفت طعم للسعاده معاه من تزوجنا
مضى على زواجنا الان 9سنوات بس الثلاث الشهور الاولى الي كنت فيها
سعيده ومبسوطه مع زوجي
لكن من بعدها مادري اش حصلي
مع بداية حملي الاول تعبت كثير وتوحمت على زوجي وكرهته بكل ماتعني الكلمه
واستمر معي هالكره
لحد الان وانا اهرب منه
طبعا وجوده معي بنفس البيت شيء عادي وحولي عادي
لكن انه يقرب مني او يلمسني هذي الي بجنني لدرجة اني احيانا اجلس ابكي
اذا ضمني او حاول يقرب مني
ماحبه ولا ابيه يلمسني ابد
ودائما اهرب منه وماقدرت اتحكم في نفسي
حاولت اغير نفسي ماقدرت
تعبت وتعبته معي
رحت لاهلي كثير بسبب المشاكل بيني وبينه
والمره الرابعه طلعت من البيت على اني مراح ارجع له
مهما حصل وطلبت الطلاق منه جلست ثلاثه شهور عند اهلي
وانا بحاله لايعلمها الا الله
مابيه وابي الطلاق لكن ضغط علي باولادي بانه مراح يخليهم معاي
وراح ياخذهم مني
ويقول اذا معد تبني انسي عيالك
وبالاخر رجعت وانا مكسوره ومكتئبه اكثر من الاول عشان بس عيالي
الي بيني وبينه صعب اوصفه
هو مبسوط ومرتاح ومستانس اني رجعت
لكن انا تعبانه وماعدت اتحمل
نفسي اكون سعيده واتمنى اقدر اسعده والبي له كل طلباته
لكن ماقدر في شيء يمنعني ويعذبني
انا بصراحه بحثت عن السعاده في اماكن ثانيه ولقيتها
كنت محتاجه حب وحنان وعطف واهتمام
ولقيته انا حبيت شخص ثاني وماكنت اتوقع في يوم من الايام اني اسوي كذا
وتعلقت فيه مع الايام
ولقيته هو الي يفهمني ويحبني ويحترم ذاتي ويقدر احاسيسي
لاني مالقيت هالاشياء عند زوجي رحت ادورها عند غيره
مع اني اعرف انه هذا الشي غلط
وحرام ومو في صالحي
ومن كثر ماتعلقت فيه صرت افكر اقابله
انا جيت هنا قبل لايحصل هذا الشيء
انا جاهد نفسي كثير ومعاد اقدر
انا محتاجه هذا الشخص
محتاجه وجوده معي وبقربي
ياناس انا صح والاغلط
انا تعبت من هالحياه
ماني قادره اغير زوجي ولا اغير نفسي ولا ابتعد عن الشخص الي تعلقت فيه
ساعدوني وجهوني انصحوني
واذا محتاجه علاج اوصفو لي راح اتعالج بس ارجع الانسانه الي كانت قبل 9 سنوات
تخاف ربها وتتقيه في نفسها وفي اهلها وفي بيتها وفي زوجها
ادري انها خيانه بس مو قارده اسيطر على نفسي
9 سنوات وانا اعاني من الضغط النفسي
زوجي ملتزم ومعروف بطيبه وحسن خلقه
لكن انا مالقيت عنده الامان والحب والحنان
انسان يعاني من البرود والامبالاه ومو مهتم فيني ومو حاس فيني
ومو عارف اش الي ابيه منه انا اخر اهتماماته
ياليت احد يساعدني او على الاقل يفهمني ويحس فيني
ويعرف اش مشكلتي بالضبط
لاني احس اني ماقدرت اشرح المشكله صح عشان تفهمون الي بداخلي
مابغى انحرف مابغى اقابل انسان مايعرفني ولا اعرفه
ارجوكم اهتمو بموضوعي وانتشلوني من الضياع الي انا فيه