نفساني - عرض مشاركة واحدة

18-10-2010, 12:36 PM

السلام عليكم اخوانى انا ابشركم فى تحسن كبير ولله الحمد اقدر اقول 80% واكثر قاعد امارس حياتى الطبيعيه تقريبا مثل قبل الله يديم علينا الشفاء وياكم ام انا رحت للسينما وشفت فلم لجوليا روبرت وبالفلم جوليا قالت نكته
( فى مره واحد مسيحي كله يروح الكنيسه ويدعى باسم قس كبير عندهم بس هالقس متوفى وكله يدعى يا ابونا يارب افوز باليانصيب يارب افوز باليانصيب وكل يوم يدعى لمده طووووووووله وفيوم طلعله القس فالمنام وقاله يا اخى ارجوك اشتر ورقه يانصيب عشان اخليك تفوز باليانصيب :) )
طبعا انا مو قايل هالنكته للضحك فقط بس هذى تعطينا مثل جيد جدا على الى فينا احنا نبى حل واحنا قاعدين بنى يروح الهلع بدون مجهود واحنا قاعدين فالبيت ومانحارب الهلع نقول يارب اشفينا واحنا مانساعد نفسنا اصلا انا كنت مرعوب اطلع من البيت واول ما اركب السياره تصير فينى النوبه واتعذب وابى ارجع البيت باى طريقه واستسلمت لهالشى ما اطلع الا للضروره واذا طلعت واويلاه من الى يصير فينى بس قلت انا قلب لايجينى هالمرض كنت تمام وكنت اطلع شنو الى اختلف وقلت يا اكسر هالمرض يا يكسرنى وصرت اطلع كل يوم والنوبه تجينى كل يوم واستحمل كل شى خفت اسويه سويته والله العظيم ياناس الحين اطلع واروح كل مكان ولا افكر فيها حتى وبدوووووون دواء الحمدالله تعالجت من غير دواء رجعت حياتى الطبيعيه مثل اول ومن اقعد من النوم وانا بره البيت اروح السوق والسينما والدوانيه والشغل وانا مرتاح ولله الحمد بسال سؤال انا احسن منكم بشنو ليش انا قدرت وانتو ماقدرتو لانه انا شريت ورقه اليانصيب وانتو لا انا حاولت وانتو لا انا كنت اخاف اصلى جماعه الحين انا اصلى الامام بالربع والله العظيم خايف تطلع اطلع وخل النوبه تجيك سؤال مهم انت وانت فالبيت تجيك النوبه فاطلع وخلها تجيك بره البيت جايتك جايتك النوبه بس بره البيت راح تتعود انك تطلع والله ياجماعه صدقونى ان تعبت اول 3 اسابيع بس والحين مثل ما انتو شايفين رديت حياتى مثل اول "إن الله لا يغير ما بقوم حتى يغيروا ما بأنفسهم" لازم انت تتغير كل يوم تجينا النوبه ومانموت ولا تصير ازمه قلبيه ولا شى خلاص لى متى نكذب على انفسنا تشجه اطلع تحدى المرض احنا معانا الله سبحانه وتعالى انا تحديت الخوف والله كنت لما اسمع احد يقول هالكلام اقول اى مايحس بالى احنا نحسه انا كنت اموت بجلدى بس مجرد فكره انى اطلع من البيت بس قلت لى متى لازم نتغير لازم نعيش حياتنا انت صارلك فتره تعبان ناس شهور وناس سنوات يا اخوان جرب 3 اسابيع تطلع وتتحدى الى انت خايف منه توكل على الله فهو حسبك انا حبيت اقول هالكلام عشان اتمنى ان الكل يعيش الراحه الى انا عايشها وابى الكل يرجع يمارس حياته مثل ما انا رجعت امارسها
يارب تشافينا وترحمنا برحمتك
واسف على الاطاله

المصدر: نفساني