نفساني - عرض مشاركة واحدة

24-01-2003, 08:57 PM

أستاذتنا الفاضلة .....أم مروان

أنا قلت الكلام اللي أشرتي إليه !!!!!!!!!
استغفر الله ..... أنا أقول هالكلام
لا تقعدين لنا في كل كبيرة وصغيرة تكفين
انتي تبغين خويانا في المنتدى يزعلون علي ... عشاني علمتك عن مواضيعهم.

وبالنسبة لكلمة فاضي .... هذا مجرد عنوان ... والا العلم غير.

وقولتك ((( أنتما أكبر من أن يكون لكما موضوع فاااااااااااضي ))) .. الله يرفع مقدارك ... ويعلي منزلتك في الجنه.

((( شرار قصيدك حلو إذا رد عليك النشمي بنفس القافيه يمكن أغير رايي ))

ذكرتيني بالحجاج بن يوسف ....
( عز الله أن حكيك هذا حكي شيوخ ) ويخوف ...
خص (( يمكن )) .... هذي بلحالها يبيلها عشرين خطاب استعطاف.....

وكلفتيني بالشعر مالا أطيق ..... ذالحين أنا يالله أفك الحرف ... يقالي قل شعر الله يرحم الحال..

ولكن بحثا عن عدم زعلك ... أجتهدت ....... ويالله التوفيق.

===========

اللهم صلي وسلم على محمد وعلى آله وصحبه أجمعين

شرار ....

معك كابرس ...... ويومن ودق الله يذكرها بالخير .... تقول عندى رفيقة لي تبي العرس ... قلتالها عندي ونيت ....
وهذي تاليتها ..... سهر وتفكير .... وزود على ذلك شعر
وتبيني أرد عليك .....

لكن لعيونك أجتهدت .....

وقلت هالسواليف ...

يالله ياللـي للأبــــرار منجـــي **** أفتـح علي للــرد بليا لجـــاجة
أخوي يشكي حالته ومترجي **** فزعة رفـــيق ما يتوانى بحاجه
يا خوي أيام الكدر أتروح وتجي **** اصبر لها ليمن تزول العجاجه
وأبشر بعزك وأبشر بقل هرجي **** فعل تشوفه بأم عينك مواجه
فعل القروم اللي للأخــطار تلج **** ونذر لبــــدل كربتــك بإنفراجه

إلا هنا ..... وقف حمار الشيخ في العقبه ..... واشتد البر وزاد الهوا اللي طير قراطيسي ... وسلامتكم....