الأستاذة رهايف .. الله يسعد صباحك ومساءك بالخير ..

أنا عارف أنتي إيش اللي مضايقك .. اللي مضايقك هو التفكير فقط ..

دقات القلب رغم انه سليم بالكشف وغيرها من الأعراض والدوخة خصوصاً .. هي أعراض خوف طبيعية ..
وفي الواقع هي أعراض بسيطة ..
ولكن تفكيرك يخليكي تظني أنها أعراض الموت .. الله يحفظك .. ثم تزداد ..

صدقيني كمجرب :
إذا غيرتي هالكم فكرة السلبية .. وقررتي التخلص منها لأنها تدوخ الشخص ..
وطلعتيها شوي شوي ..
وكل مرة تحطي فكرة إيجابية شوي شوي ..

بمجرد إعترافك انها مشكلة وحالة ذهنية راح تتحسن حالتك 10% ..
وإذا اتخذتي القرار انك لازم تغيري شيء .. راح تتحسني 20%
وإذا كل مرة تفكري بتفكيرك السلبي الحالي تسوي عمل إيجابي زي المشي أو ترتيب الغرفة أو أي شيء انتي عارفه انه مفيد راح تتحسني 30 / 40 50% ..

يعني كل مرة تفكري بشكل سلبي حولي التفكير على بجزء من الثانية لتفكير إيجابي في شيء يفيدك ..
أو سوي أي عمل وهو يلغي التفكير السلبي تلقائياً ..

مثلاً فكري زي ما تفكري الحين ولكن إمشي ! راح يكون التفكير صعب .. فإما انك تلخبطي المشي ويروح التركيز للفكرة السلبية وإما انك تلخبطي بالفكرة السلبية ويروح التركيز للمشي ..

هذا نص العلاج .. وإذا استمريتي بنفس الفعالية لأقل من شهر تحصلي على الـ 50% الباقية ..

ويكون علاجك بإيدك مو عند غيرك .. الرياضة والتعذية الزينة والنوم والصلاة والتسلية وووو كلها من حقك ..
لبدنك عليك حق ولنفسك عليك حق ولزوجك عليك حق وووو .. انتي عارفة طبعاً هالأمور أحسن وحدة بالعالم ..

مشكلتك هي الفكرة ، فتخلصي منها وإلاّ لكان كل الناس متعطلين ، فكيف حينها نعمر الأرض ..
واحنا أشرف مخلوقات الله ! وعليها مسؤوليات والتزامات لأنفسنا ولبعضٍ ممن حولنا ؟

كل ما عملتي شيء إيجابي كل ما تخلصتي من شيء سلبي .. هذه هي طريقة عمل العقل ..
ما راح يكون فيه أحد شجاع لكنه جبان .. ذكي لكن غبي !

هي مشكلة معروفة ومصنفة ولها حل .. أتمنى أن يأتي اليوم الذي تشفين فيه من المرض وتقولين لنفسك حينها كما قلت لنفسي " قد ايش كنت حمار ...! " .. والدليل انه أهلك ما هتموا بالسالفة لأنهم ما عندهم هالمرض فما يعرفون إيش السالفة .. وبظنهم أن المؤمن القوي لا تمرض نفسه ! كذا فسروها .. وأنا متأكد انه بإمكانك الإثبات لهم بأنهم كانوا ..
على صواب .. فالمؤمن بالله يرضى بالقضاء 1/ خيره و2/ شره ..
الفكرة اللي جتلك هي شر .. فارضي بها كمرض موجود / والعلاج موجود ..
فما أنزل الله من داء إلاّ وأنزل له دواء ..

ملاحظة : ستجدين صعوبة في البداية للتخلص من السلبيات / والسبب أن العقل تعود عليها ، لذلك تخلص منها حبة حبة وكل مرة سوي إيجابيات حبة حبة لتصبح الإيجابيات هي الموجودة بالعقل هي التي تسعدك وتريحك بإذن الله ..

وبالشفاء إن شاء الله .. ألف سلامك عليك ..