عضو مخفي

بيانات اضافيه [ + ]

رقم العضوية : 31917  تاريخ التسجيل :  10 2010  أخر زيارة : 14-10-2022 (08:49 PM)  المشاركات : 79 [ + ]  التقييم :  12

لوني المفضل : Cadetblue

" امس نزلت السووووق لمدة ساعه حسيت انه عادي بس رجعت للبيت حسيت بالضيق "

أكيد راح تحسي انه عادي ..

لأنك احتجتي التركيز لشيء ثاني .. ولمن رجعتي البيت عقلك الباطن عرف انك مو محتاجة التركيز لشيء ..

فرجع للشي اللي متعود عليه واللي هو الأفكار السلبية ..

صدقيني راح تقدرين تقرأين القرآن وعشرات الكتب ..
وراح تقدرين تصلي .. وتاكلي وتنامي وما راح تلحقي على أي شيء وراح تسعدي وتضحكي وتتعبي وترتاحي وتزعلي وتصرخي وتبكي تفرحي .. كل هذه المشاعر هي مشاعر مقبولة ..

الأحداث ما تسبب توتر .. نظرتنا للأمور هي اللي تسبب التوتر ..

أبي منك خدمة لنفسك :

سجلي تاريخ موعد الزفاف بجوالك وبورقة وبالكمبيوتر وأهم شيء بعقلك ..

وتخيلي هاليوم :

واختاري الإحساس اللي ودك تحسين فيه ، وكيف تكوني جهزتي أغراضك وجهزتي نفسك ..
وبعدين تقعدين بالكوشة وتوزعي ابتسامات للناس الي جايه تفرح ..
وبعدين تخش أم المعرس بالمعرس ويزفونك .. للسيارة ..
وتروحي الفندق .. وتطلبوا عشاء وتتعشون وبعدين تسكروا الجوالات و ، تتفرجوا على التلفزيون !

تخيلي هالمتعة كلها ..
واعرفي بهاليوم يكون راح إحساسك المزعج الحالي ..

ـ صدقيني أنا مجرب حاجات زي كذا .. وهي اللي نفعتني .. أمل بيوم محدد راسمه فبالي واتخيل نفسي وصلت لأمنيتي وانحلت كل مشاكلي .. من غير تعب بإني أدور الحلول ، هي تجي لحالها ..
وأعرف تماماً شعورك واحساسك واعرف تماماً 100% انك راح تتعالجين من هالعلة ..

كيف عرفت ؟
بعلمك بمعلومة وإذا كانت خطأ فاعرفي إني .. ماني عارف إيش قاعد أنصحك فيه .. ومو مجرب ..

المعلومة تقول :

ـ أبصم بالعشرة إنك كنتي شاطرة بالمدرسة والمعلمات يحترمونك ..

والله ما أدري إذا انتي ذكرتي إنك كنتي شاطرة بالمدرسة أولا .. بموضوعك ..
ولكن من تجربتي وقراءاتي واطلاعي أقول إنك شاطرة وذكية وإن كان بالمدرسة فقط ..

بالنسبة لسماع القرآن .. أنا معاك إنه فيه مقرئين أصواتهم تجيب الكآبة للأسف .. للشخص اللي عنده معاناة ..
أما القرآن نفسه فهو كلام الله سبحانه وتعالى وهو علاج .. ولكن بعض الشيوخ والمقرئين عندهم حماس يدفعهم ويخليهم يتصطدمون مع بعض الناس اللي تركبتهم النفسية ما تتوافق مع الصوت العالي لأنه تفسري كأنه فيه مصيبة وهوشة !

وبالحديث " إن منكم لمنفرون " ... " هلك المتنطعون " ..
ولكن أول ما تخف المعاناة اللي عندك راح تلقي نفسك متجه للقرآن والذكر تلقائياً لأنك مسلمة .. وراح ترتاحي ويطمئن قلبك ... " ألا بذكر الله تطمئن القلوب " ..

فأرجوا إنك ما تضغطي على نفسك زود .. صلى في البداية وبعدين شوي شوي راح تتقربي من ربك بأعمالك باختيارك إنتي ، مو لأنه جاك أمر من أحد .. والا انتي عارفة فين الصح وفين الخطأ .. فـ " الحلال بين والحرام بين " ..

لا تنقصي من قيمة نفسك .. وأنا معاك إن شاء الله