نفساني - عرض مشاركة واحدة

21-10-2010, 05:28 AM

بسيطة إن شاء الله ..

راح ترجعي تصلي بالحرم وبعزة نفس وقوة إيمان ..

عزة تأتي من تقربك من الله سبحانه ومو بأي شيء ثاني ، بتمسك بأوامر الخالق وتنفيذها ..
ما راح تلاقي العزة بالغنى أو الثقافة أو حسب ونسب .. هاذي كلها مافيها عزة ..
" من كان يريد العزة ، فلله العزة جميعا " ..

ولا أريد أن أفتي ولكن :
بما إنك كنتي تصلي بالحرم سابقاً واللي منعك إلحين عدم استطاعتك بسبب المرض ..

فإن شاء الله أجرك زي ما هو ما راح يضيع ، وكأنك تروحي الحرم ، طالما نيتك تروحي زي أول ..
لأن عملك الأول عمل حسن " والله لا يضيع أجر من أحسن عملا " ..

ولو افترضت انه أحد يقولي : إنت كذا تخلي الأخت تتكاسل ولا تجتهد .. واللي ما يصلي بالحرم كيف ياخذ أجر من يصلي بالحرم !
ردي هو : اللي ما يصلي بالحرم ما ياخذ أجر اللي يصلي بالحرم .. بس الأخت رهايف كانت تصلي بالحرم واللي خلاها ما تصلي مو بإيدها .. وبعد ما يعافيها الله راح تصلي على عادتها بالحرم أو بغيره على حسب نيتها ..

فاللي ما يصلي من أول أمر / واللي كان يصلي ومنعه مرض شيء مو بإيده فهذا أمر يختلف ..
" ولا تزروا وازرة وزر أخرى " ..

الرحمة فوق العدل ..
لذلك أكرر أختي رهاايف سوي اللي تشوفينه صح طالما نيتك حسنة " بل الإنسان على نفسه بصيره ، ولو ألقى معاذيره " ..

والله يفرج كربتك ..ويهديك يارب .. ويطيب خاطرك ..