نفساني - عرض مشاركة واحدة

21-10-2010, 06:52 AM

شكراً على ثقتك ..

بالنسبة ليه بالمنتدى أقعد من 9بالليل إلى 7 صباحاً عشان عملي موظف استقبال بفندق ..

واحاول أتناقش معاك على حسب إستطاعتي .. عشان كذا إذا شفتي أفكار كثيرة مو مرتبة .. فاعرفي إنه عندي زحمة ..
وعلى نفس الطاري باتبرعلك بمعلومة :

فيه آيه تقول " ما جعل الله لرجلٍ من قلبين في جوفه " معناها ما يقدر أحد يسوي حاجتين بوقت واحد ..

فعدم تنظيمي لردي بسبب انشغالي بالعمل ..
وانتي نفس الشيء : عدم تنظيمك لحياتك هو بسب إنشغالك بفكرة براسك ..
يعني تركيزك ياللفكرة يا للي يسعدك ويخليكي مرتاحة ( اختاري ) ..

وهذا بسبب الشيطان أعوذ بالله منه لأنه وعد " لأقعدن لهم صراطك المستقيم " .. وبعدين يتبرا من اللي اتبعوه ويقول " إني أخاف الله " ..
وفي معنى الآية " ليس لي عليهم من سلطان ، إلاّ أن دعوتهم ، فاستجابوا لي " ..

الشيطان موجود بشره ، وبالمقابل الخير موجود ، يعني فيه خير وفيه شر ، عشان كذا الله سبحانه وتعالى خلق جنة ونار ..

وأبشرك كيد الشيطان ضعيف " إن كيد الشيطان كان ضعيفا " .. يعني تقولي بسم الله الرحمن الرحيم ، وتنحل مشكلة الشيطان .. ولا تلعنين الشيطان ، ما أُمرنا بلعنه بل أمرنا بالتعوذ منه ..

أحب أنبهك لحاجة مهمة : إذا استمريتي بكسلك وعدم تحركك والقيام بأعمالك اليومية وكأنك " مقعدة " بعيد عنك الشر ... فراح يجي يوم تصيري فيه ضعيفة شخصية وتفقدين مهارة التعامل مع الناس لأنك ما تختلطين بهم ..

سوي شي ولو كان بسيط وتافه بنظرك وما يفيدك ..
وهنا تكسبي حاجات مهمة من ورى الشيء التافة وهي :
ـ سيطرتك على نفسك .
ـ إنشغالك عن التفكير المزعج ، زي ما تروحين السوق وما تتعبي ! هنا الفايدة ..

صدقيني أختي رهايف الإنزعاج اللي تحسين فيه أسوأ من الموت نفسه ..
وأنا مجرب محد قلي ..
ولو كانت الفكرة اللي براسك صحيحة فليش ما تحققت أول ما جتلك بشهر 7 أظن ؟؟ ..
هاذي أمور بالغيب .. الله يعطيك طولة العمر وتشوفين عيال عيالك ..
عيالك اللي لهم عليك حق الأمومة .. وانتي ناضحة وعارفة كيف توزني الأمور ، خلي نظرتك لقدام وأملك بالله كبير ..
فكري في عواقب الأمور لو استمرت معك هالحالة لا سمح الله ، وتعيشين سنين طويلة وانتي مضيعة إنسانيتك ..

الرسول عليه الصلاة والسلام يقول " الدنيا حلوة خضرة " .. فلا تسوديها بفكرة ! وتنسين باقي النعم من حولك ..

وإذا كنتي تخافين عدم رضوان الله عليك ، فاعرفي إنك تتعاملي مع أكرم الأكرمين اللي وسعت رحمته عذابه ..

ما قلتلك اتركي هالتفكير وتركتك من غير توجيه ! زي أي أحد ..
لأني جربت وعارف شعورك .. أقولك اللي فيك مرض وله عوارض مزعجة .. وهالمرض معروف ومصنف وفيه مرضى به كثيرين ، وله علاج ..
وين العلاج ؟
بإيدك ..
المهم الرغبة إنه الله الشافي المعافي يشفيك .. لازم تكون رغبتك كذا وتتوكلي على الله " ومن يتوكل على الله فهو حسبه " ..
خلى إرادتك بإرادة الله أنه يشفيك " وما تشاءون إلاّ أن يشاء الله " ..

والله يباركلك بصحتك وعافيتك .. وأكرر شكري لك على ثقتك .. وبالمناسبة ما علمتيني إذا كنتي شاطرة بالمدرسة .. وودي أعرف إيش هوايتك .. وإيش أمنيتك بالمستقبل .. عن نفسي ودي تصيري أخصائية إجتماعية وتفتحي منتدى يكون زي العيادة وانتي تشرفي عليه ..