نفساني - عرض مشاركة واحدة

22-10-2010, 05:28 AM

خير إن شاء الله ..

هنا اعرفي انه اللي براسك أوهام ! مثل شخص حس انه قلبه تعبان وراح يكشف وطلع قلبه سليم ..
والأوهام تخليه يحس انه قلبه مو سليم ! ـ يعني المشكلة مو بالقلب المشكلة براسه ..
فيه ناس تستخدم المخيخ وما تستخدم المخ ! ويقول لا أنا عاقل وفاهم واعرف .. وقتها صعب تفهمي اللي ما يبي يفهم ..

الحمدلله على السلامة رهف .. برافو عليك ..

بس شوفي نصيحة من مجرب ..
لا تحاولي تقولي أنا قاعدة ألغي الفكرة من راسي .. أنا لا مو كذا أنا ما أفكر كذا ..
ما راح تستفيدي شيء بل بالعكس تترسخ الفكرة من التكرار .. فيه قاعدة تقول : ما يكرره اللسان يصدقه القلب ..
زي لمن تدقي رقم بالتلفون من غير ما تحاولي تحفظيه .. بعد وقت العقل يحفظه من التكرار ..

فنصيحتي .. وهي مجربة وصح 100% .. ولا فيه حل غيره إلا دواء كيميائي .. وانتي عارفه بعض الأدوية تعالج مرض بمرض ! غير سمعتك أمام نفسك وأمام الناس ..

النصيحة : أي شيء تسوينه يريحك من المحاولة بتغير التركيز من هالفكرة .. والتركيز يروح تلقائي للحاجة اللي تسوينها ، حتى لو تلعبي سدوكو أو تحلي كلمات متقاطعة .. هنا أعمال فكرية يروح لها التركيز ..
ولو تتحركي وتمشي وترتبي الغرفة أو تنظفي بيتكم كله .. هنا أعمال بدنية ويروح لها التركيز كمان ..

والفائدة إيش :
الأوقات هاذي اللي تسوين فيها شيء حتى ولو شيء بسيط وتافه .. ومو مشكلة لو بعدها رجعتي لنفس التفكير السلبي السابق ..
المهم قيامك بأعمالك وشؤونك مهما كانت بسيطة يعطيك إحساس بالسيطرة ..
وبكذا الفكرة السلبية تفقد قوتها شوي شوي ..

حتى لو تخيلتي منظر إنك طلعتي تتمشين مع زوجك وجبتي معكم الأكل .. برضه هنا التركيز يروح للعمل الفكري هذا ، وتستفيدي ..

وهذا تفسير للآية " ألا بذكر الله ، تطمئن القلوب " .. هنا يروح التركيز للذكر حتى ولو كان الذكر ثواني ..
والذكر أبسط عمل لدرجة انه لمن تقولي " لا إله إلا الله " ما تحتاج لتحريك الشفايف ..

أرجع أذكرك بقاعدة ثانية تقول " الأحداث لا تسبب التوتر ، إنما نظرة الشخص للحدث هي ما يسبب التوتر " ..

مثل / واحد نظرته لنفسه انه ضعيف شخصية وخجول .. الحدث / تعامله مع الخباز عشان يطلب منه خبز ..
هنا هو يشوف التعامل مع الخباز شيء يسبب التوتر ووو ..
لكن شخص ثاني سليم الشخصية وتكوينه العاطفي قوي ونفسه مو ضعيفه / بنفس التعامل مع الخباز .. ما يشوفه شيء يُذكر ، ولا يستوعب انه فيه مشكله بالتعامل مع الخباز ، زي الشخص الخجول .. ( ويمكن الشخص الخجول واللي عنده رهاب تكون مشكلته أساساً هو التعامل بلطف زائد مع الآخرين ولكن يتوهم انه مو قدها !! ) ..

هذا علاجك وانتي جربتيه : حركي نفسك .. الحركة بركة .. روحي وتعالي واقري والعبي واطبخي وسولفي والعبي رياضة مشي متوسط السرعة على حسب جاهزية جسمك ، اتفرجي على أفلام كوميدية ومسرحيات طارق العلي زي مسرحية " لن أعيش في جلباب زوجتي " والا مسرحية " انتخبوا أم علي " .. سلي نفسك .. وضي وصلي واقرئي وتر من القرآن حتى لو كان صفحتين المهم كل يوم تقرأي صفحتين .. " خير الأعمال ، أدومه وإن قل " ..

سوي لنفسك برنامج منظم بأوقات الصلاة والنوم بالليل والفطور والغداء والعشاء .. و10 دقايق مشي متوسط ..
وبأوقات الفراغ سوي أي شيء تسلية .. على حسب مزاجك ..

صدقي أو لا تصدقي .. اسبوعين وثلاثة بالكثير .. والأفكار المخيفة والمزعجة اللي براسك تنمسح ..
وإن رجعت ، فتمر مرور الكرام ولا يكون لها أي تأثير .. هنا أقدر أقول ، هذا هو المؤمن القوي .. اللي يطيع ربه ..

لأنه جسمك له عليك حق وانتي عارفه أصلاً والعارف لا يُعرف ..

ملحوظة بسيطة : لمن تحسي بدوخة أو يضعف سمعك شوي ويرجع أو أو أو .. هنا عقلك لإنه تعود على الفكرة السلبية فترة يمكن ستة شهور إلحين ، فتحسي كأنك رجعلتك الحالة ..
ولكن تأكدي انه هذا بسبب /
سوء التغذية .. وأنا إذا قلت هالكلام فما أكون جبت شيء جديد .. معروف نقص بعض الفيتامنات والعناصر الغذائية يساعد على الدوخة والضعف والكسل ..

وأرجع ألفت نظرك / إلحين عندك وسوسة وأوهام لكن بكره راح يصير عندك رهاب إجتماعي وضعف بالشخصية ..
وبعدها مشاكل مع زوجك لأنه راح يحس انه " إنخدع " ..!

الخلاصة : روحي لأي شيء ثاني .. تروح الفكرة لحالها ومن غير جهد منك ..

دمتي بود ..