نفساني - عرض مشاركة واحدة

14-11-2010, 06:15 AM

"]لا حول ولا قوة إلا بالله ,,
الله يهديك ويصلح حالك إيش الى إنت كاتبه ربنا ساترك فى الدنيا وأسال الله أن يسترك فى الأخرة بجد أدميت قلبي يا أخى من منا خالى من الذنوب لكن نسأل الله الستر علينا فى الدنيا والأخرة مل نجاهر بها ونقول عملنا وعملنا إنت منكر إنو فيك مس أكيد سمعت من البعض إنك مسوس وعشان كده بتنكر هالشئ وفعلا أكيد واضح من كتابتك إنك ما فيك لا مس ولا يحزنون ... انت عارف إن للمعاصى أثر على القلب فهى مو تمرضوا بس تميتوه والعياذ بالله خلاص ما عندة أى إحساس بالذنب وإن كان من الكبائر لكن إنت والله أعلم ما كتب إلا وإنت منتى متحمل تأنيب الضمير وحاسس إنك غلط وخايف تموت على هالمعاصى أخى انصحك انك تتدارك ما بقى ولا تسوفلك نفسك بكرة بعده راح ابطل من الخرابيط الى بعملها وأعلم أيها المسلم أن الغناء أكبر داء فى موت القلب إنت استبدلت كلام ربى بالغناء
ولا يجتمع فى قلب مؤمن القرآن والغناء أبدأ من جديد حاول وأنت عازم النيه وسأل الله إنه يعينك على هوى نفسك وصلى فروضك الخمس فى المسجد وابتعد عن شيطان الإنس الى غواك ما راح ينفعك صديقك الى كان سبب فى إنحرافك أخى الإنسان لمن يعصى تنكت فى قلبه نكته سوداء وهكذا كل ما ازداد فى المعاصى تكثر النكت السوداء فيه إلى أن يطبع على قلبه عافك الله فى الدنيا والأخرة ,, تذكر قوله تعالى "" وما أضلنا إلا المجرمون فمالنا من شافعين ولا صديق حميم "" ما راح ينفعك فى يوم قيامتك إلا رحمة ربى ثم عملك الصالح إنت أكيد فيك خير وكثير بعد والله أعلم لكن الشيطان يوسوسلك إنك ماينفع معاك أى شئ عملت بلاوى أتركه وأدحره برجوعك لله إذا عزمت توكل واسال الله لك الثبات على الحق تأكد إنك ما كتبت هالكلام إلا وفيك خير وتعبان من أعمالك والله لو صليت فرضك وقرأت كتاب ربك وتركت الغناء راح تترك كل شئ سئ بإذن الله ,,
وإحنا الآن فى أيام فضائل أعو الله فى يوم عرفه بقلب خالص إنه يخلصك من ذبوبك ويطهر قلبك ويحبب إليك الإيمان ويزينه فى قلبك ويكره لك الكفر والفسوق والعصيان ويجعلك من الراشدين ويحسن خاتمتك واستودع قلبك عند ربك على الإيمان إلى ان تلقاه ,, لا يفوتك يوم عرفه لو كنت قريب من مكه إجعل يومك هذا كله فى الحرم ,,
اطلت عليك سامحنى لكنى أتمنى لك الخير فى الدنيا والأخرة وأن يجعلك هادى مهدى بإذن الله يامن أمره بين الكاف والنون إنه على كل شئ قدير ,,اللهم آآآمين