نفساني - عرض مشاركة واحدة

19-11-2010, 04:14 PM

سبحان الله
والله ياخوى انت قاعد توصف حالتى انا مو حالتك
بالظبط مثلى
شوف طالع عمرك كل الكلام الى قالوه الاخوان جميل جدا ورائع وفعلا مفيد
بس بما ان انا حالتى مثل حالتك بالظبط ومرت على هالسالفه الى فيك انا اقولك شنو صار معاى وشلون حليتها باذن الله
اول شى ابيك تطمن ان ماراح يجيك جنون باذن الله تعالى
لانه لو بيجيكجنون كان جانى قبلك
انا الفكره المسيطره على كانت بس خايف اصير مجنون
وكنت ادخل هنيه مثلك وابى حل ابى اى طريقه اشيل الفكره من راسى
والاخوان فعلا ماقصرو خففو عنى حيل
الكليقولك استانس وحاول تنام ولاتفكر الخ الخ
بس المشكله هذا ماتقدر تسويه انت لانه فى فكره وحده مسيطره عليك
ولو تقدر تنام كان مانطرت احد يقولك نام
او احد يقولك لاتفكر
شوف طال عمرك انا ماحلها الا شى واحد وجرب وان شاء الله تنفع معاك هالطريقه
انا لما ضاقت فينى الوسيعه وحسيت الدنيا خلاص مامنها فايده وحسيت ان كل شى انتهى
والله ياخوى افرش السجاده واصلى ركعتين ورى ركعتين وبالسجود ابكى وابكى وبصوت عالى مو بس ادمع لا بصياح
واكلم الله سبحانه وادعى وادعى
اصلى من 6 الى 10 ركعات
وتخف المساله حييييييييييييل
وهالسالفه اخوى تاخذ وقتها مثل الالفلونزا تاخذ 3 ايام
هالسالفه الى فيك تاخذ من 10 ايام الى اسبوعين وعادى لاتخاف بتمر مرور الكرام
والله ياخوى انا كنت انام مثلك انام 3 ساعات لا وكل شوى افز من النوم خايف وقلبى يطق بسرعه والفكره للحين موجوده
فى شى ماسك راسى موراضى يخليه
تحس ان خلاص بتصير مجنون بتفقد عقلك بس ابشرك ياخوى ان شاء الله ماراح يصير شى
ابيك تقرى هالاية وتمعن فيها عدل
سورة البقره
(وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ)
من تقرى هالايه راح تعرف ان هذا بلاء من ربك يبليك بشئ من الخوف يعنى شى بسيط انت تقول الا هذا الخوف بعينه وعلمه لا هذا شئ من الخوف علشان الله سبحانه يبيك تلجأله وتدعيه وتصلى ويخفف ذنوبك
اذا تبى تعرف ان كلامى الى قلته كله صحيح دش الصفحه مالى باسم ( الله يخليكم ويشافيكم لاتخلونى )
راح تلقى انى كاتب الكلام الى قلته انت بالظبط وراح تشوف شلون كانت حالتى بس الحمدالله على كل حال
خفت الحاله 80 %
تطمن ياخوى ماكو الا العافيه ان شاء الله
توكل على الله مالك الا اهو سو الى قلتلك عليه وراح ترتاح باذن الله