نفساني - عرض مشاركة واحدة

24-11-2010, 01:19 PM

بصراحه حصلي لي هذا الموضوع كثيير >>>>
راح اتكلم عن تجربتي الشخصية حتى تفهم موقفي وتساعدني

بالنسب للدراسة او غيرها ما انكر وقتها اني كنت ضعيفة وما عندي القوة والجرئة
اني اواجة المواقف الصعبه والتحديات
كنت مستسلمه للظروف ..
كنت قد ما اقدر ابي احافظ على الهدوء .. تخيل بنت جاية من حياة هادءة مسالمة الى حياة كلها صخب واكشن و جو متقلب ... مع شخص مزاااجي متقلب
وما كان عندي الوعي التام الخبرة بطريقة المواجهه او تحوير المواقف الى ايجابية وفي صالحي
وامتصاص الغضب بشكل هادء...

مثل ما تقل في الموضع وسمت نفسي اني ضعيفه على المواجهه وهذي حياتي ولازم اقتنع بها.. وتركت احلامي تناااام في سباااات

ما ابغي ارمي كل التهم على غيري نعم كنت مقصرة جدا في حقي وضعيفه كان الاستسلام افضل الحلول عندي

لكن بعدها تغيرت كثير للافضل وحاولت مواجهة الظروف وترويضها

الآن في هذا الوقت اعترف اني رجعت للسابق لكن بطريق مختلفه ان فكرة الاكتئاب مسيطرة علي
وكلشي يحصل لي ارميه على الاكتئاب ومقتنعه به
مع اني اريد الخلاص منه باسرع وقت .. وكذلك هذه الفكره مسيطرة علي وهاجس داخلي
الى متى راح ابقى في هذه الحالة ؟

هل هي بتزداد اكثر؟

وزني زايد من الحبوب مهما عملت رجيم انا كذا ؟؟
>>> مع اني كل انواع الرجيم سويتها لكن ما تتجاوز اسبوعين وازهق وارجع للاكل !!

ظروفي ووحياتي ماراح تتغير انا تعبت سويت الي علي وما تغيرووا؟؟
الى متى بظل اعاني واافح المواقف المضاده لي ؟؟؟ راح يطول عمري وانا كذا ؟؟ بعدها بموت قهر ؟؟

هذي التساؤلات الي تدور في راسي كل يوم

لكن بإذن الله راح اتغير واطوي الصفحة اليأسه هذي

>> بقولك خبر .. اليوم قعدت من النوم وانا اقول راح يكون اليوم افضل

وطلبت من زوجي يوديني مكان اشتري منه نباتات طبيعيه ازين بها البيت وتتغير منها نفسيتي

اللون الاخضر يعطي حياة واطمئنان
واصريت اني انا اختارهم كل ما قال خذي هذا النوع ..اقول له: لا هذا احسن لان فيه ميزة كذا وكذا ويقتنع

وجيت البيت ورتبتهم ..:)