متغطرس

بيانات اضافيه [ + ]

رقم العضوية : 3414  تاريخ التسجيل :  01 2003  أخر زيارة : 22-01-2005 (12:43 AM)  المشاركات : 16 [ + ]  التقييم :  10

لوني المفضل : Cadetblue

ابشــــــــــــروا

والله يا شباب انكم ما هنت علي

بعد ما قريت كلماتكم كلمت معارض وخططنا له خطة

واحد : خذيناه على المزرعة نحن والربع وونسناه

اثنين : حوطناه في الذيد وسمعناه اشرطة في الدرب

( اشرطة دينية عن الشباب والدعوة والاخوة )

ثلاثة : خلينا يبات في المزرعة

واخيرا وليس آخرا خليته يبات عندي في بيتنا

والله لو اشوفون شكلي انا ومعارض

ونحن انزن ونون على راسه انا من صوب ومعارض من صوب

كل المحاضرات اللي كان يعطينا اياها رديناها عليه

والحبيب مب رايم النه

المهم يودناه من ايدينه وقلنا له لازم اتسجل

ولا ما نعرفك ولا تعرفنا ونحن

نسألك بالله ان ترجع لو على الاقل ترد عليهم

( شفت ولا خطة 11 سبتمبر منو قدنا انا ومعارض

ما قالكم الزبير معارض واسطتكم)

قلت له اصبر شوي وييت اكتب لكم الرد هذا

وبعدين هو ورايه بيكتب

هاه ما نستاهل شكر وثناء اكثر منه هذا تأبطوه

والسموحة على هاي الغطرسة