السلام عليكم ورحمة الله وبركاته
أختي بسن المراهقة ولكني خايفة عليها وممكن كثرة خوفي يؤدي إلى نتائج ثانية.
أرجوكم ساعدوني:
أنا مشتركة بمنتدى نسائي وكنت أشوف أختي فاضية فدخلتها لحاجة في نفس يعقوب
(للعلم والفائدة) ولكن للأسف دخلت واشتركت بتجمع للبنات وعاد أخذت إيميلاتهم وأرقامهم
من غير أي خوف.
وللأسف تصرفات أختي جدا مثيرة للشكك وسبق ونبهتها لكن دون أي جدوى.
أختي قلبها طيب وممكن أي وحده تلعب براسها ....
جوالها ممكن أطلع عليه لكن الرسائل تحذفها أول بأول. والكمبيوتر مره دخلت على
المسن وحاولت أسوي حفظ لمجلد المحادثات بس للأسف طلعت شاطره وشيكت
وحذفت الخيار.
عندها مجموعة كبيرة بالمسن وفي كثير أكبر منها. تعرفت على وحده لدرجت إنها تتطلق عليها ماما. ومره شفت رسالة نسيت تحذفها مطلوب فيها سجلي صوتك واشتياقك وأرسليه.
أختي ماقدرت عليها . بس دخلت على البنت وقلت لها عيب عليك هذي صغيرة .
اللي تعرفت عليها أنا أعرفها معرفة سطحية ومافي إنسان بالدنيا كامل . الكمال لله وحده.
وللعلم أختي من أيام المتوسط كانت تعشق معلمة لها وبالفعل المعلمة ذات دين. لكن للأسف أختي مااستفادت منها.
مره كنت أبغى اتصل على أمي وأخذت جوالها إلا لقيت كاتبه لمعلمتها أمي .
حاولت كذا مره أتفاهم معاها ماقدرت . وماأنكر أنا أعصابي ماتحملت. وهي عنيده بمعنى الكلمة.
وتعرفت على وحده أكبر منها والبنت مافي غير أحبك وأعشقك وكلام الحب. لدرجة مره أختي قالت لي كلام حررررررررررررررررقني. تقولي صحبتي تحس فيني وتبكي من أجلي وإنت لالالالالالالالالالا. ولما أكلمها بالطيب تقولي لا تمثلي دور الأخت الحنون.....
كم مره دخلت عليها الغرفة وإلا هي منزلة الجوال على طول. قدرت أمسك نفسي وقتها.
لكن بعدها بنص ساعة حاولت أتكلم معاها ووضحت لها إني ماأشك فيها بس لازم تعرفي إنه صديقاتم ممكن يضحوا عليك وخصوصا إنك ماتعرفيهم...
وإنه الإنسان الواثق مايجيب لنفسه أي شبهة .
أختي:
مراهقة وتفتقد للاحتواء رغم وجود أبي وأمي وأنا ماألومها لأني أعاني من نفس الشي
أبوي وأمي مو مقصرين علينا بس العاطفة مفقودة. والحوار مفقود.
حاليا:
أنا خايفة على أختي من البنات لأنهم ممكن يسحبوها معاهم. وأبوي إذا شاف أي موقف مريب منها راح يكون موقفه صعب جدا. لأني شفت كثير ومره كلمت أمي لكن أسلوب التفاهم كان صعب .....
أرجوكم أرجوكم ساعدوني