نفساني - عرض مشاركة واحدة

07-12-2010, 11:20 AM

السلام عليكم

صباح الخير والرحمة والغفران

زيارة الطبيب النفسي تتعبني كثير واحتاج وقت حتى اخرج من الحالة والتقط انفاسي من جديد

للمعلومية انا غيرة الدكتور القديم لاني حاسة انه مو فاهمني واهم شي عنده يكتب لي علاج
العلاج السلوكي ما مره تكلم عنه

الدكتور الجديد ريحني كثير وحسيت انه يبغى يساعدني حتى من دون علاج بالحوار والنقاش وتغيير منظوري للامور
كاسلوبك اخي الشاكر

في البداية اول دخولي قلت له انا اخذ سيبرالكي منذ سنتين 10 ملغ حبه كل يوم

لكني ما احس بتحسن بعدني تعبانه ويوم غيرة العلاج ما تحملته اسبوعين بس ورجعت لسبرالكس

ما ادري ازيد الجرعه افضل او اغيره او ابقى على نفسه
طالعني وضحك قالي انتي بديتي بالعلاج وانا لسه ما تعرفت عليك قلت له دكتور انا تعبت من الكلام والشرح

هي حبه تريحني وتخليني اتحمل الحياة وضغوطها علشان استمر الى ما شاء الله

قال معليش خلين نتكلم اول ونفهم الحالة .. تعرف علي وعلى اولادي واعمارهم ومستواهم التعليمي
ومستواي انا التعليمي
قالي انتي اذن قوية بما انك ام لخمس ابناء وتتعاملين معاهم باختلاف اعمارهم ونفسياتهم وقدراتهم
قلت له لا انا ان ضعيفه مو قادر اواجه ابسط المشاكل واتفهه استدرجني الى ان عرف سبب بداية المشكلة
المهم ما اقدر اشرح بالتفصيل لان مخي ما يجمع كل الكلام

لكن قالي انتي بحاجه متى ما بغيتي تتكلمين تقولين كل الي في بالك والي بقلبك بطيب نيه ومثل ما انتي تبغين
مو مثل ما يمليه عليك غيرك هذا ابسط حق للانسان ان يمارسه في حياته الطبيعيه اين كان
لا تخافين يعني شو بيصير ... يعصب او يفسر كلامك غير الي انتي تقصدين

هذه مشكلته هو انتي مالك ذنب

اذا عصب قولي له يعني مين اكلم اذا صارت لي مشكله او حبيت اتكلم أأجر شخص اقوله يرضيك هذا؟؟
او اذا بغيت حق من حقوقي البسيطه اروح لشخص ثاني
انا محتاجه امان في بيتي واعيش مطمئنه حتى امارس حياتي الطبيعيه مثل اي شخص

قلت دكتور والله اخاف اقول كلمه انا ما كنت كذا كان عندي اصرار وعزيمه في اي امر ابغي اسويه ما ايأس ولا انكسر
الحين اخاف اكلم احد او اناقش

قال شي اسمه خوف انزعيه منك انتي باستمرارك عشرين سنه هذا بحد ذاته نجاح لقدراتك لو انسانه غيرك ما عاشت معاه انتي قدرتي تحتوينه

عندك خمس اشياء تحبينهم فيه وخمس اشياء تكرهينهم صح؟ وقاعده تركزين على الامور الي تكرهينه ومومستمتعه في الامور الحلوة في الشخص المقابل الي منها راح تكسبينه
ما احد يقدر يغير احد انتي قاعده تصارعين نفسك
ابغيه وما ابغي تصرفاته ..طيب لا يهمك تصرافاته

بيعصب خليه يعصب مو نهاية الدنيا ..
وقال كلمه حلوة .. مو حاجة غريبة ان حنا نعتمد على شخص هو الي يخلي حياتنا سعيده او يخليها تعيسه

اجل حنا وين؟؟؟!
لو خيرناك علشان ترتاحين اما نفصل هذا الشخص عنك او نقتله ؟؟ بترتاحين؟؟!
ولا تتوقين اذا زئر الاسد يعني هو يبغى يفترس يمكن يكون خايف
يمكن يككون ضعيف ويخبي شي
اغلب الناس يتعاملون بالصراخ علشان يرهبون الي قدراهم لكنهم من داخل ضعاف

الشخص الهادي يقدر يتعامل مع الامور بحكمه ويحتوي الشخص الي ما يملك الصراخ
فهوا اقوى منه
المهم
دخلنا في نقاشات طويلة وغير نظرتي لامور كثيره
لكني بعد حسيت اني ابغي اقول امور اكثر ويريحني منها .. بس قال كفايه اليوم كذا الجلسه الجاية لانه شافني بديت اتوتر وجسمي يرجف