المشاركة الأصلية كتبت بواسطة ملك الارهاب

بنت ابوها : لا صدقيني ماراح انساكم ولا راح انسى المنتدى ولا راح اتكبر عليكم لان الكبر لله (:
انتم يا الاوروتوفوبيين مشكلة هههههههه بس صدقيني اختي بأذن اللي ماتنام عينه راح اكون من المترددين عليكم بالمنتدى وراح اكون مشارك .
وعلى فكره راح تكون عندي خبرة وتقدرون تستفيدون من خبرتي ههههههههههههه.
على فكره انا اربعتعش سنة خبرة عملية اكلت تبن من الفوبيا لييييييييييين قلت بس .

ورود البنفسج : انا بالنسبة لي لو اقول لاهلي تصير فضيحة لان امي وابوي الله يهديهم راح يعلمون الببي سي والينوز فوكز والسي ان ان وماراح يخلون لاحد حتى الصعايده اللي بالشارع يقولون لهم .( وبالذات امي الله يهديخا لو اقولها تلبس عبايتها وتراكض للحريم ( مادريتم عن ولدي عمر اسملله عليه ياويلي ويلاه ياوليدي يبي يسوي عملية ) والله كأني اشوفها قدامي .


بس انا انشالله راح اروح لوحدي واصفط سيارتي في مصافط المطار واطير لوحدي لمصر واسوي العملية وبعدها ان سالوا عني اهلي راح اقولهم رايح حق مصر انا ورفيجي اللي معاي بالدوام ( عادي يمشي عليهم الجذب خاصة امي ياحليلها اي شي تصدقة وراح ابخششها بكم دينار عشان ماتكثر اسئله وعوار راس .