السلام عليكم ..
بصراحه وانا اقرا موضوعك , حزنت وفرحت بنفس الوقت .
تضايقت لحالك , لوضعك اللي تعيشه الان , صلاتك , الاغاني , البنات , انا كلي يقين انك انسان جيد وفيك الخير لكن ينقصك الدعم , مو شرط من الناس , ادعم نفسك بنفسك , لاتجعل نفسك عرضة للافكار السلبيه , عن كلامك : شخص واحد هو اللي وصلك للحال اللي انت فيه الان , طيب الردود اللي فاتت كلها , محد أثر فيك ؟ للافضل طبعا ؟
لاتكن انسان متشائم , فكر بطريقة ايجابيه , الحلو في الموضوع انه لازال ضميرك حي وتدري ان اللي تسويه غلط Xغلط وهذي خطوة بل قفزه للتغير .
عندي ملاحظه بسيطه بس ودي اعلق عليها .. احيانا الاشخاص يكون عندهم صراع داخلي بين الخير والشر , لما تجيهم صحوة الضمير تبدأ محاولاتهم بانهم يكونون خيّرين في جميع الامور وهذي شي رائع لكن السيء في الموضوع لو انه ارتكب غلط بسيط , سمع اغنيه مثلا أخر صلاته , الخ .. ينتكس ويحس انه ارتكب غلط فادح وان ربي غاضب عليه وماراح يتوب عنه , تذكر دائما ان ربك (عظيم ) غفور رحيم , يتوب عن عباده سبحانه .
شي اخير واطلب منك انك تسويه , لاحظت في كلامك بعض الجمل السلبيه : مااقدر , ماابغى الخ من هالكلام
اولا اعزم على انك تبدا من الان انك بتتغير , تخيل مستقبلك انه بيكون جميل وانك بتكون انسان سعيد عشان يكون لك هالشي هدف ( السعاده والنجاح ) وصدقني طريق الاشياء هذي ايمانك بربك , وخلك مؤمن ان ربك يبي لك الخير مادمت تحسن الظن فيه , يقول سبحانه : انا عند ظن عبدي بي " فـ دائما احسن الظن وابتعد عن التشاؤم في حياتك . " اموت وادخل النار وطلال مداح خلك من الكلام هذا كله ( اعذرني ) . ابدا من الان ولاتنسى اذكارك , كون انك تعصي ربك في بعض الامور مايمنع انك تذكره بين الفينة والاخرى .
دعواتي لك بالهدايه والصلاح , وانا متفائله فيك اخي .
تقبل مروري