نفساني - عرض مشاركة واحدة

12-12-2010, 05:44 PM

الخوف من الموت
حبيت اكتب موضوع عن الموت واتمنى ان تستفيدو منه
انا ماراح اقول كلام إنشائى واقولكم كلام يهديكم لا انا بقول تجربتى وشلون قدرت اتخلص من هالوسواس البايخ
اولا
انا كنت اخاف من الموت لدرجه كنت اقول الشهادة قبل لا انام لانه كان عندى يقين انى ماراح اقعد من النوم وراح اموت
كنت اتتبع اخبار الناس الى تموت وشلون ماتو وكم عمره وسبب الوفاه كنت مركز على كلمة موت بشكل رهيب
تدرون اخوانى لو تركزون على اى كلمه مثلا سياره
راح تسمعونها باليوم بكثره انت جرب قول اليوم بركز على كلمه سيارة وكم مره راح اسمعها راح تلقاها كل شويه مذكروة جدامك
احنا يا اخوان مركزين على كلمه الموت بشكل كبير علشان جذى نسمعها كثير
نرجع لتجربتى
انا كنت خايف من الموت لانى اجهل هالشى مادرى شنو بيصير لما اموت او شنو سكرات الموت او عذاب القبر ههههههه عذاب القبر هذا لعب فينى لعب صرت اتفنن بالتفكير فيه
ببس بعيدين قلت انا لي متى راح اخاف من الموت انا صارلى سنه اخاف منه وانتظره وماجانى الموت
جربت كذا طريقه للتخلص من هالفكره
الفكره دائما تطاردنى بكل مكان وباستمرار
فقلت ليش مو انا الى اطارد هالفكره
فصرت اقول حق نفسى يالله يا أخى موت وينك يالموت ليش تاخرت واتكلم معاه اقوله انا ناطرك ليش ماجيت يالله خلصنى ماعندى وقت ابى اموت هههه واكتشفت ان اذا لحقت الفكره تصير تافهه ومهمشه كل ما افكر بالموت اقوله يالله بسرعه انا بطلع يعنى اموت ولا اطلع خلصنى وراى شغل هههههه
خليت الفكره كانه شخص واتحداه اكتشفت ان اذا لحقت الفكره اهى تهرب منى
شى ثانى
انا ولله الحمد التجأة الى الله سبحانه بشكل كبير
توكلت على الله سبحانه
ياجماعه التوكل على الله سبحانه مش بالكلام لا بالايمان بهالجمله
شنو يعنى التوكل على الله انك تسلم امرك لله لاتخاف من شى وانت سلمت امرك لله ليش اخاف من الموت ليش ناخذ الشئ السلبى بالموضوع ليش ماناخذ الشئ الايجابى
اتبع كلام الله سبحانه وماراح تخاف من الموت
اقرئ القرآن بتمعن وليش للقرائه فقط
اسمع الاحاديث الى قالها الرسول الكريم عليه الصلاة والسلام
راح تعرف ان احنا المسلمين محظوظين ان احنا مسلمين الله سبحانه وتعالي معانا الله يقول ادعونى استجب لكم شتبون بعد
تمعنو بهالايات يا اخوانى
{اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح :10ـ12].
والايه الثانيه
وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ
والايه الثالثه
اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ
والايه الرابعه
اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً

كل هذا بس اذا استغفرتم
والله العظيم ماكو احلى من هالشى بس استغفرو وشوفو شنو راح يصير هذا كلام القرآن الكريم مو حديث ضعيف ولا مشكوك فيه لا كلام الله سبحانه
بس اكثرو من الاستغفار
ياخوانى انا الحين الحمدالله تخلصت من هالوسواس بفضل الله سبحانه الله يشافيكم وجميع المسلمين
اتمنى انى قدرت افيدكم بهالموضوع وسامحونى على الاطاله

المصدر: نفساني