نفساني - عرض مشاركة واحدة

13-12-2010, 11:26 AM

اقتباس:

المشاركة الأصلية كتبت بواسطة ليش لا

اخوي ابو عبدالله :

انا صديقك لا قسى الوقت واكفيك ...

ولاني من اللي وقت المصالح يجونك ...

اعزك يا صاحبي بكل مافيك ...

ومن كثر مااعزك صرت اعز اللي يعزونك ...

افتخر لاقالوا اني مخاويك ...

يامنبع الطيب قلبك والصفا في عيونك...

لاجفاك الزمان وحاصرتك الهمـوم - ---- -- - دور اللي يشيل الحمل وشتك عـلاه
واحداً لانصيته في اللـوازم يقـوم - ----- -- قومته تبهج الخاطر وتـروي ظمـاه
مايشيل الحمول الا قـوي العـزوم - ------- والضعيف ضعيف ماربح من نخـاه
الرفيق الوفي تلقـاه عنـد اللـزوم - ---- --- مثل بيت ٍ الى احتجته يـذري ذراه
جاهزاً للدفـاع وجاهـزاً للهجـوم - ------- يا الله تكثـر امثالـه وتحيـي نبـاه
ثابتاً مثل ضلع طويق بيـن الرجـوم - ---- -- لو تهب الهبائب ماتحـرك حصـاه
وفاهماً في العوائد فاهماً في السلـوم - ---- -- طيب الساس حراً مايبي له وصـاه
ذاك والله رفيقي جعل عمـره يـدوم - ---- -- يسعد الله صباحه يسعـد الله مسـاه
اتشرف بمعرفتـه وأقـول محشـوم - ------ حشمته عندي أكبر من جبال السراه
اذكره كل ماهبـت علـي السمـوم -------- هو رصيدي وبنكي في بنوك الغنـاه
ياعساهم تحت مطاه كـل الرخـوم -------- ويا عسى الله في ها الدنيا يطول بقاه
القصائد بمدحـه تحتفـل كـل يـوم - ----- ولو مدحته بشعري كيف ابلحق جزاه
والمراجل صعيبة ماتجـي بالعلـوم - ------ ما تجي كود بالمجهود طول الحيـاه
يتعب الرجل ماحقق كثيـر الحلـوم - ----- والصبر يوصل الرجال غايـة منـاه
والليالي تراها لوصفـت مـا تـدوم - ----- مير يـا لله توفقنـا طريـق النجـاه