روزا ليندا

بيانات اضافيه [ + ]

رقم العضوية : 32317  تاريخ التسجيل :  11 2010  أخر زيارة : 22-10-2012 (01:05 AM)  المشاركات : 39 [ + ]  التقييم :  10

لوني المفضل : Cadetblue

تعبت من قعدتي

السلام عليكم

عمري 16 سنه أولى ثنوي بداية مشكلتي السنه أللي فاتت

مع بنات الفصل كانوا يعذبوني مرره ويهينوني بأقبح الألفاظ لدرجة إني كنت أرجع البيت

أبكي وأكلم نفسي وألوم نفسي وأطالع في نفسي في المرايا وأحزن لدرجه صرت أكره نفسي وأتمنى لنفسي السوء والموت كانوا البنات يقولولي إنتي ولا شي

إنتي مشوهة إنتي متخلفة إنتي معوقة إنتي غبية كنت أشتكي للأبله عن البنات وكانت
الأبله تنادي بنات فصلي وكانوا يكذبوا ويتبلوا عليا والأبله تخاصمني وتهينني كرهت نفسي وصرت منعزلة عن الناس وأخجل مرره وصارت بنت طيبة في فصلي تجلس
جنبي وتكلمني دايما وتعطيني قرآن وأدعيه أقرأها لأني كنت منعزلة عن البنات صرت أقرأ القرآن دايما في الفصل بس البنات كانوا يدفعون كرسيا ويخاصموني وأهلي ما كانوا يسألوا عني ولا يهتموا فصرت خجوله مرره وصرت أجلس تحت الدرج أللي في المدرسه وولا أكلم أحد انتهت المدرسه والحمد لله ارتحت بس صرت أكره الناس وأتمنى لهم الشر عكس ما كنت عليه وصرت ما أؤمن بنفسي وأشوف نفسي ولا شي جات ذي السنه حاولت ابتعد عن البنات وما أكلمهم أبدا وصرت حساسه مره ما أحب أحد يطالع فيا أو يتكلم عليا وصرت عصبيه وما أحب أذاكر وكسلت مرره مع إني كنت شاطره وكل معلماتي كانوا يحبوني البنات لاحظوا عليا ذا الشي وصاروا يقولولي إنتي معقده ليش تمشي وانتي حزينه إنتي متشائمه مو طبيعيه وبنت قالتلي إنه خالتها مثلي ما كانت تحب تخرج وكارهة الناس والحياة وراحت عن طبيب نفسي وأتعالجت وصارت عاديه أهلي يقولولي أنا ما فيا شي كل أللي فيا دلع ولو رحت عند طبيب نفسي حأمرض بسبب الأدوية فأنا أحس إنه ممكن تكون عندي عين لأني كنت شاطره مره وواثقه من نفسي دحين صرت تحت الزيرو وصرت أشوف أي أحد غبي أو مو طبيعي أحس نفسي زييه تصرفاتي زييه تفكيري زييه لو استمريت على ذا الحال إيش ممكن يصيرلي ؟!

أرجووكم سااعدوووني الله يسعدكم

المصدر: نفساني