تعبت من نفسي

بيانات اضافيه [ + ]

رقم العضوية : 32034  تاريخ التسجيل :  10 2010  أخر زيارة : 03-08-2011 (06:52 AM)  المشاركات : 198 [ + ]  التقييم :  10

لوني المفضل : Cadetblue

اخر حل ياهدوووووء ياحبيبتي شوفي اولا حاولي تقولي لأحد عن مشاعرك أحد تحبيه ويحبك اتوقع في كثير يحبك. نفس الانسان بتمرض زي أي عضو في جسمك انتي لما تمرضي تبغي أحد يحن عليكي يريجك ويساعدك صح ؟واذا ماخفيتي حتروحي الدكتور والدكتور حيعطيكي أدوية ولما تاخديها ايش حيصير لك ؟؟ مو حترتاحي ويخف مرضك وتحسي انك رجعتي طبيعية ؟

طيب نفسك ؟! مو عليها حق ! ماهو ربنا خالقها ضعيفة هذه النفس تتعب مثلها مثل أي عضو في جسمك صح ؟ تتعب وتحزن وتخاف وتقلق , طيب اذا انتي ماقدرتي تريحيها وتزيلي عنها القلق والخوف والحزن الزايد ؟؟ يصير تحتاج انه أحد يساعدها احد يسمعلها يطمنها يحن عليها

واذا ما أرتاحت فين المفروض نوديها ؟ انا أقولك نوديها دكتور ونعطيها علاج عشان ترجع سعيدة ومرتاحة ترى والله نفسك عليكي حق وهي أمانة لازم نحافظ عليها خلي في بالك انه ربنا امرنا بان لانلقي أيدينا الى التهلكة وانتي بتئذي نفسك ؟؟ شيلي عنك الخجل وافتكري امر ربنا اذا ربنا يبغانا نساعد نفسنا ومانئذيها نقوم نسيب كلام ربنا كلام العقل ونخاف من كلام الناس ايش يقولوا عني والله مافي أحد دراي عن احد ترى بأكتبلك من قلبي ايش فائدة الأهل والعائلة اذا وقت مانحتاجهم مايساعدونا قوليلي انتي ؟؟ اذا مرة ماقدرتي تفضفض لأحد أستمري بالتواصل معانا نحن اهل التجربة ويقول المثل<< أسأل مجرب ولا تسأل طبيب >> بس انا أقول اتواصلي معنا وكمان مع الأخصائيين النفسيين اللي هنا ومثل ماقلتلك حطي نفسك مكان أمك او أختك أو أي شخص يحبك أتخيلي محتاج مساعدة عنده اكتئاب حزين ,بيئذي نفسه و يفكر انه ينهي حياته, بس مايبغى يقولك أي شي عشان مايحب انك تنظري له نظرة ضعف ؟؟! بس تخيلي شوية وفكري في كلامي