نفساني - عرض مشاركة واحدة

25-12-2010, 03:51 AM

انا هاكتبلك ملخص حكايتى بص يا سيدى

طول حياتى عايشة مع اخوات امى لان امى وابى كانوا مسافرين لدولة اخرى الى ان دخلت الجامعة عشت انا واختى لوحدنا فى بيتنا وكانت الحياة عادية ومستمرة وبعدين اختى اتجوزت وعشت انا لوحدى سنة كاملة الى ان انهيت دراستى وكنت اتخطبت وقتها واول ما خلصت دراستى سافرت لامى وابى الى ان يحين موعد الزواج واول ما رحت لامى لم ارتاح ابدا وبدات اخاف رغم انى لما كنت عايشة لوحدى ما كنت احس ابدا باخوف او الاكتئاب وكنت انام عادى لوحدى الى ان جاء يوم وانا عند ماما وصحيت مفزوعة واحس اني باموت وكان هذا منذ 4 سنوات ونصف وبالتحديد قبل زواجى باربع اشهر ومن وقتها وانا اعانى من حالة غريبة من الخوف المستمر من الموت واحساسى انى باموت فى اى لحظة وتجينى رعشة واكتئاب شديد وتشاوم وخوف وبعد ما اتجوزت بشوية هدى الموضوع دة ورحت لدكتور نفسانى ادانى مهدىء واستمريت عليه شوية وبطلته وبعدين بقيت احسن بس كل يوم قبل النوم افكر فى نفس الموضوع والخوف ما يفارقنى واحيانا اتغلب عليه واحيان ينطور الامر لرعشة وبكاء وخوف وما ارتاح الى لما انزل المستشفى ويقولوا ما فيكي اى شىء ا..وابنى ودايما افكر واخاف اموت واسيبه ومش بنام بسهولة ابدا واحس انى عايشة فى حلم والله تعبت رغم انى الحمدلله اصلى واعرف ربنا كويس وكمان عندى اختى متجوزة قبلى ب سنتين مخلفتش فبيجلى بقا وسواس ان حصلها كدة عشان انا هاموت وهاسيبلها عيالى وقبل ما اخلف كنت فاكرة انى مش باخلف عشان هاموت لانى قعدت سنتين مخلفتش

دة ملخص بسيط