سنااء

بيانات اضافيه [ + ]

رقم العضوية : 32706  تاريخ التسجيل :  12 2010  أخر زيارة : 15-11-2011 (08:55 PM)  المشاركات : 105 [ + ]  التقييم :  10

لوني المفضل : Cadetblue

ساعديني ارجوكي

السلام عليكم

اختي ام فراس

انا مابعرف من وين رح ابدأ معك لأن المشكله مو متعلقه فيني المشكله متعلقه بخطيبي
مو عارفه شو معو بالزبط
احيانا بكون مبسوط كتير واحيانا ابدا مو مبسوط مني انا خصوصا
كتي مرات بحكيلي انو من لما خطبنا مو مبسوط وهاد احد المسجات اللي ببعتلي ياهم
(انا نفسيتي تعبت منك كنت مبسوط قبل لأخطب , صرت اجي بيتكم بدل ما انبسط اتنكد)
مسج تاني(لي هيك بتسوي فيي قاصدتيني بشي , كنت كلي احساس وحب وحنان بس قتلتيني)وانا مو قادر اتقبلك نهائيا
(انا نفسي ملت وصرت اقصر بديني بسببك)
انا والله مو عاملتلو شي بالعكس انا كتير منيحه معو ومع اهله
وبنفس الوقت بحكيلي انتي مليون واحد بتمناكي انا ما بلاقي متلك ولا متل اهلك
وتصرفاته كلها بدل على انه بحبني مو مقصر معي بشي
وهاي اللي حكيتلك ياه انفا بمر عليه اوقات هيك بضل
يعني بحكيلي مابعرف شو السبب اللي مخليني ما بتقبلك اول مبارح حكالي اني بكون مبسوط اني جاي عندك ولما افوت عندكم بتعب ومابعرف شو وزعل وطلع من عندي وصار يبعتلي مسجات انو حالته تعبانه وحاسس بضيق قاتلني .
هو كتير طيب وحساس
ودائما بحكيلي انو مابشعر بالسعاده ابدا ودائما مكتئب وحاسس بضيق من يوم ما خطبنا
وهاد المسج هلأ بعتلي ياه(انا زعلان من نفسي لأنو مو قادر اعيشك متل باقي البنات بحاول اقرب منك بتبعديني , انتي انتي انسانه رائعه واصيله واهلك ماعليهم كلام بس في شي غلط مابعرف ايش هو مو مخليني ارتاح معك.

الله يخليكي جاوبيني بسرعه انا كتير تعبت معو مابعرف ايش الو
ممكن يكون معيون او محسود
كل جماعتنا بحكولي لا مهما كان كويس انتي احسن منو والله اعطاكي واحد منيح لأنك انتي منيحه وهاد حديث الناس دايما
والله من يوم ما خطبنا لليوم لي 8اشهر مملكه ماصارت بيننا وبين اهله مشاكل ولابيني وبينهم ابدا الحمدلله واهلي كتير مبسوطين عليه واهله كتير مبسوطين علي بس هاي مشكلتو ما بعرفلها حل
وعلى فكرا اختي هو مو مبسوط بشغله وكل شي يجيله بعكس مايريد وكل شي يتعركس معه مو موفق بحياته العمليه مع انه مهندس مشان شغله شفناله اقوى الواسطات ليساعدوه وبالاخير ماتزبط معهم نهائيا الله يخليكي ردي علي بسرعه

المصدر: نفساني