|
هل ما يحصل لي هو نوبة هلع
السلام عليكم إخواني
بكتب ليكم الي صار لي من البداية و أتمنى تفيدوني و تقولوا لي هل هذي نوبات هلع و إذا هي نوبات كيف أتعامل وياها لاني تعبت والله
قبل 4 شهور وانا اسوق السيارة حسيت بتنميل و تعرق في جسمي و حسيت بتنميل قوي في صدري و يدي اليسار و حسيت إنها نوبة قلبية و إني باموت و رحت بعدها المستشفى و سووا لي تخطيط و كل الفحوصات و طلعت سليمة و إبتدت عندي مشكلة في ضيق التنفس و ألم مستمر طوال الوقت في يدي اليسرى يعني مو ألم يروح و يجي و بعدها بفترة خفت مشكلة ضيق التنفس و صادتني نفس القصة و انا اسوق السيارة و صرت من بعدها أحس كأن شخص يضغط على جسمي وأنا جالس و أحس بثقل و أنا أمشي و عندي ألم مستمر طول اليوم في يدي اليسار و ظهري و صدري و احس في شي في فكي و احس بمثل التنميل في خدي و أحيانا تزيد هذي الالام كانها جلطة و صارت أكثر شي تجيني بزيادة و أنا أستحم و أنا راكب في السيارة تزيد عليي الالام و ما أقدر أضل جالس لازم أنزل الكرسي و منها صرت ما أسوق سيارة فتكفوون أبي أعرف وش هدا الي صاير معي ووش الحل و وش بيصير إذا مثلا و أنا راكب السيارة و زاد ألم الصدر و اليد و زاد ألم الفك و حسيت بالدوخة وش ممكن يصير إذا ضليت مكاني ما تحركت و الالام تزيد و الله يعطيكم العافية
|