ياختي الكريمه اعتذر على التدخل ولكن انا فيني ضرس من ضروسي فيه سوسه مع اني كل يوم افرشها مرتين
هل هذا يعني ان ضرسك نفس ضرسي يابنت الحلال مو تقرون اي موضوع عن شخص يشتكي تقولون هذا فينا الناس تختلف من شخص الى آخر وهذا علمه عند الله عز وجل كل اللي عليك تسوين فحوصات وانتي سويتي ومالقيتي شي .
اذا كان نفسك احد يطمنك انا بطمنك من هنا لين بكره والا قولي لاي احد من اخوانك او اخواتك اذا شفتو حالتي تغيرت طمنوني وقولو ان مافيني شي عشان ترتاحين .
عيني من الله خير يابنت الحلال والله ترى الموضوع اسهل من السهوله لاتشوفين اي شي وتقولين فيني واذا شفتي شي او سمعتي شي لاتروحين تدخلين النت وتقرين اعراض ومشاكل والله توسوسين زياده .
اسئل الله العظيم ان يرفع عنك البلاء ويبعد عنك وعن الاخوان الوسواس كما باعد بين المشرق والمغرب .
واذا انتي في الرياض طالعي في الجو كيف حلو جميل وومطر وادعي ترى الدعوه وقت نزول المطر مستجابه باذن الله عز وجل , ولا تنسينا من الدعاء وانا اخوك .