نفساني - عرض مشاركة واحدة

21-01-2011, 03:04 PM

طبيبنا الفاضل اهلا بك
انا قرات ان حضرتك طبيب نفسى وتعانى من الاكتئاب من سنوات طويله شفاك الله وعفاك
فى الحقيقه انا كنت من زمان نفسى اقابل طبيب نفسى جرب الاكتئاب وادويته
عندما كنت اشكو لطبيبى من معاناتى مع الاكتئاب او الاعراض الجانبيه لاى من ادويتى يقولى معلش استحملى بعد اسبوعين سيبدا مفعول الدواء اقول له ياه اسبوعين دانا لا اتحمل عقارب الساعه وهى تمر امامى بطيئه ممله هل على لانتظر اسبوعين لارى ان كان فى نتيجه والا لا يقولى ايه يعنى يعدوا بسرعه كنت اقول بينى وبين نفسى طبعا سهل عليك تقولى كده ماانت مجربت الاكتئاب وادويته ولا تشعر بماعاناتى واحيانا كان طبيب اخر يتهمنى ان الاكتئاب ده ضعف منى وانى لازم اكون اقوى من كده علشان اتحسن ولما اقوله مش قادره غصب عنى يقولى لا انتى اللى بتدلعى اقول فى نفسى طبعا مانت قاعد مبسوط فى مكتبك وهتروح تتعشى عشوه حلوه ولا تشعربما اعانيه لانك لم تجربه
لكن ان اجد طبيب نفسى ذاق مراره اكتئاب وعانى مثلنا من الاعراض الجانبيه لادويته هذا شىء يجعلنى اطمع ان لم يكن عند حضرتك مانع ان تحكى لنا تجربتك مع هذا المرض اللعين كيف بدا مع حضرتك هل كان هناك سبب لظهوره وايه افضل دواء بالنسبه لحضرتك وهل كان الاكتئاب هو سبب تخصص حضرتك فى الطب النفسى وهل تاخذ الدواء باستمرار ام تقطعه وتعود له عند عوده الاكتئاب
انا اسفه ياطبيبنا الفاضل اذا كنت تطفلت على حضرتك بهذا الموضوع اذا لم تحب الاجابه عنه فلا باس تجاهل الموضوع وشكرا لحضرتك على كل حال
ولى سؤال فى الموضوع اللى طرحته الاخت متحديه المرض فى موضوع اضطراب الشخصيه الحديه ياريت تجوبنى عليه:shokrn:

المصدر: نفساني