السلام عليكم ورحمة الله وبركاته
الحمد لله والصلاة والسلام على اشرف الانبياء والمرسلين سيدنا محمد عليه افضل الصلاه واتم التسليم اما بعد :
اخواني للأسف بدال مانسمع ان فيه ناس تعافت او تشافت او قدرت تقاوم المرض نجد الاكثريه يشتكون مره اخرى وهذا ليس عيب ولكن للتخفيف بأن ينظر الشخص هل مرت هذه الاعراض على احد غيره ام لا .
وللأسف اجد بعض الاخوان واللذين اعتبرهم من الاقوياء في مقاومة المرض نجدهم في ضعف فلماذا هذا كله ؟
وللأسف نرى من هم مستمرين على العلاج نجدهم يتركونه من انفسهم بدون استشاره .
وللأسف كلما اجد من لديه شكوى في موضوع لديه رد ايجابي في موضوع شخص آخر يعني يطبق الكلام لغيره وينسى نفسه .
ياخوان المرض اللي تعيشونه ويعيشه كثير من الناس تراه عاديه جدا وهو فطره خلقها الله عز وجل في الانسان بس المشكله انه نفس الشخص يزيده او يخففه .
نجيب مثال واحد خاف من النغزات الي في الصدر والله ياخوان تجينا كلنا وحتى السليمين تجيهم وتكثر خصوصا وقت البرد بس فيه ناس تلاقيها فيهم لها عشر سنين او خمس سنين او 20 سنه وتلاقيه يكتب انا فيني نغزات طيب لك الوقت هذا كله وتعرف ان لو كان فيه شي كان من الاول حصل لك يعني مافكرت في الا الان .
مثال آخر واحد او وحده تجيه ضيقه مثلا كل الناس يحسون اوقات بضيق بسبب او بدون سبب بس فيه ناس تجيهم عارض وناس يحطونها مرض ولو قنا ان الرسول صلى الله عليه وسلم كانت تجيه ضيقه قال تعالى :فَلَعَلَّكَ تَارِكٌ بَعْضَ مَا يُوحَى إِلَيْكَ وَضَآئِقٌ بِهِ صَدْرُكَ أَن يَقُولُواْ لَوْلاَ أُنزِلَ عَلَيْهِ كَنزٌ أَوْ جَاء مَعَهُ مَلَكٌ إِنَّمَا أَنتَ نَذِيرٌ وَاللّهُ عَلَى كُلِّ شَيْءٍ وَكِيلٌ .
وكانت ضيقته صلى الله عليه وسلم من كلام الكافرين وجحدهم بالنبوه وانه نذير مبين .
المشكله ان هناك يكبرونها ويجعلونها مرض والمشكله اكثر انها تلاقيها تجيهم قبل فتره طويله وتلاقيها عندهم من زمان على قولتة اكثرهم كنت مثل اول او ارجع مثل اول انت انت ماتغير فيك شي اللهم اللي تغير انك بديت تضخم الامور واللي هي كانت فيك من اول ولا زالت ولا تزال بس كل شي يزول بذكر الله عز وجل .
الا بذكر الله تطمئن القلوب .
من هنا ياخوان الروح الانهزاميه هذي غير مرغوب فيها انا بعطيكم الحل النهائي والجذري والله ياخوان نزلنا مواضيع والاخوان نزلو مواضيع وكلها علاجات لمرض الهلع وتجتذه من جذوره بس للأسف مافيه تطبيق .
تخيل واحد تقوله الحل وفجأه تلاقيه ثاني يوم على نفس الحال معناه انه ماطبق الحل .
ياخوان والله ترى الموضوع خيال في خيال الواحد يايقضي عليه من جذوره او يتركه يتلاعب فيه ليش تكون انهزامي امام هذا المرض ليش تكون ضعيف لاتكون مبسوط على ذا الحال ترى تأثيراتها ماتجي عليك لحالك تجي حتى اللي حولك.
ارجو من الاخوان التركيز واليكم الحل وسبق ان تم طرحه من قبلي انا ومن قبل اكثر الاخوان هنا الحل : هو ان تترك الاعراض تمر عليك ولا تخاف منها وقول في نفسك من قال اني مريض مافيني الا العافيه وحاول عشان تتغلب على المرض ان تكتب للمنتدى حلول وتجارب ولا تكتب موضوع تشتكي فيه لاحد وقول انا مافيني شي بساعد اخواني حتى يستطيعون مثلي التغلب على المخاوف , واصلا مايمديك تشتكي لو لقيت مثلا اعراض جتك جديده لازم تلاقي واحد على الاقل نزل موضوع نفس الموضوع اللي مر عليك يعني مايحتاج انت تكتب غيرك كتب قبل وانتهى .
ارجوك ثم ارجوك اخي لاتكون ضعيف وانهزامي من هنا اضرب على صدرك وقول مايصير الا اللي كاتبه الله لي ولو يصير اللي يصير وراح اقضي عليه حتى لو مر علي في اليوم ستين مره ماراح اعطيه فرصه حتى لايدمر حياتي فكم من يوم وكم من اسبوع وكم من شهر وكم من سنه وهو يتلاعب فيني ولا فعل اي شي .
يعني على قولتهم لو كانت شمس كانت امس .
يعني لو فيه شي بيصير كان صار من اول
انا اعتذر عن الاطاله ولكن من حرقة فيني عليكم كتبت موضووعي وارجو من الله العلي القدير ان يثبتنا على طاعته ويكفيكم شر هذا المرض .
وتوقيعي في الصيانه لين الحين ماضبط الله يستر مو راضي ينزل