اختي نور حياتي انطفأ
ان شاء الله النور في وجهك ولا يزال ولا راح ينطفي كلامك صحيح بس المشاركه في تقديم المساعده افضل من انك تشتكي وفيه مواضيع كثيره بنفس الاعراض ونفس التفاصيل واكيد الشخص مر عليها وقرآها طيب ليش نلف ونرجع للموضوع كأنه جديد.
انا اشكر مرورك اللذي عطر صفحتي .
اختي زهور السعاده
اسمك يدل على التفاؤل اشكر لك مرورك وكلامك صح بس كما ذكرت سابقا حاولي تدورين موضوع مشابهه واقريه وراح تلاقين الحل ان شاء الله بس حاولي تطبقي وانا اللي اعرفه من خلال موضوعك الاخير انك ان شاء الله بديتي في مراحل الشفاء بأذن الله مابيك تضعفين مره ثانيه .
نورتي الصفحه واطفيتي عليها ريحة عطره من زهورك اشكرك من الاعماق اختي.
اخي يزيد
كلامك في الصميم وهذا هو مانبحث عنه قوة الشخصيه والربط والمواجهه هذي هي سمات القوة وسمات الاراده التي تتغلب علي اي مشاكل في الحياه .
انا شاكر ومقدر مرورك الاول لي في موضوعي وهذا شرف على وسام صدري.
اخي العزيز صديق نفسي
اعتبرني صديقك الثاني ولا يهمك وانا معك ضد هذا المرض اللعين اللذي كدر على اناس كثيرين حياتهم وان شاء الله تستطيع ان تتغلب عليه بأذن واحد احد عاجلا غير اجل .
مرورك اسعدني وزاد في محبتي لك .
اختي الفاضله ام الهلع
اذا الشخص مايقدر يساعد نفسه فهنا تكمن المشكله لابد اوقات الواحد يضغط على نفسه وهذا انتي اشتكيتي خمس دقايق ورجع وضعك مثل اول واحسن طيب الخمس دقايق هذي لو استغفر الواحد ربه وضغط على نفسه شوي كان انحلت الامور .
مرورك في حد ذاته شرف لي .
اخوي الشاكر
عندما اجد ردك في مواضيعي تقف اصابعي ولا اعرف ماذا اكتب لك .
مرورك دائما يسعدني ويشرفني .
اختي الغاليه سجينه افكاري
غريبه اللي اعرفه ان الحريم يحبون سوالف الطبخ والنفخ والملابس والمكياج وش جاكم قمتم تتشكون والكلام صار عن مرض وغيره حاولي ترجعين على السوالف الحلوه الاولى ترى ماحب اشوفك لا انتي ولا غيرك من النساء تشتكون , ترى بكم يصلح المجتمع اختي الكريمه .
وجودك في صفحتي داعم لكثير من الاخوات .
اسئل الله العظيم رب العرش العظيم ان يرفع عن جميع الاخوان البلاء والمرض .
وتراك على عيني وراسي جميعكم سواء اللي رد واللي مر مرور الكرام اهم شي انه استفاد من الموضوع وياجعل عين ماتبكيكم جميعا .