نفساني - عرض مشاركة واحدة

28-01-2011, 04:33 PM

تصدق اني كنت داخله بقول اصرف نظر عن علاقتي بزوجي
وحل مشكلتي مع المرض الي صار مصيطر عليه وصرت اكرهه واكره نفسي معاه

لكن شفت كلامك ..
صحيح كل ما قلته >>>> كلامك في الصميم
لكن كلمة فجوه بيني وبينه ليست كافيه او معبره عن مشاعري

هي جدران عاليه
وبصريح العباره ما عدت احتاج له في اي شي الا في تلبية طلبات البيت والاولاد

وكلمة ماخذه على خاطري بعد ما تعبر عن الي داخلي. هي عشرين سنه من المعاناه
تزوجت وانا ما افهم شي في الحياة لان عيلتي كانت محافظه جدا وملتزمه يعني مو منفتحه

ما ادري شنو اقول كلامك جدا حقيقي
ودي اقول ما ابي اتكلم عن حياتي معاه لانها تجرحني وما اقدر اقول كلشي وتزيد حالتي

لكن كلشي امر فيه مرتبط بالماضي

احس اني بعد هذا العمر لسه مصدومه في الزواج والرجال والحياة الجميله الي كنت اتخيلها

>>>> في ملاحظه احب اقولها
زوجي ما عنده خرابيط. بالعكس محافظ جدا وملتزم بدينه جدا
وتقليدي جدا جدا ما يعرف من تقنيات العصر الا التلفزيون والجوال علشان الامور الضروريه

النت عدوه ويتنرفز لو يشوفني انا او الاولاد جالسين عليه

عمره 45 سنه لكني احسه 70 سنه لافكاره وتصرفاته