|
يانعمه النسيان ........((شعر ))
يانعمه النسيان يارحمه الله
لولاك انا عزاه وش كان سويت
لو اذكر اللي كان دقه وجله
ماكان ساعه في حياتي تهنيت
لولاي اسلى خاطري جاه عله
وارتاح لين ارسلت بعض التناهيت
لاضعت بالنسيان وقتي يدله
وليت ياوقت العنا كيف عييت
خل الفكر يرتاح والقلب خله
في غيمه النسيان يلقى بها بيت
اسج بعض الوقت ماهو كله
واعود كني ماعن الحال سجيت
واشوف كلش ثابت في محله
عن واقع الايام ماكني اقفيت
هذا ضحي شمسى وهذاك ظله
والليل رعشه ساريات المواقيت .....
للامير الشاعر :خالد الفيصل .......[
|