نفساني - عرض مشاركة واحدة

30-01-2011, 12:06 AM

كل الاسئلة الي طرحتها لها عندي اجابتين ... نعم .. ولا!!

ياااما صرخت بيني وبين نفسي مااااا أبغيه ارحموني وريحوني

وياما بكيت في عيادة الدكتور ما ابغيه لا تقولي لبسي وكشخي له

على قد ما انا محتاجه حنان وحب ورعايه على قد ما انا رافضتهم منه

تجيني فكره مجنونه >>>ولا تعتب علي
ابغي حب ولطف لكن مو منه !!
.. ولان ما في غيره .. هو الي له حق ..فأنا ما ابي شي خلاص
بلاااااه حب بلااااه حنان بلااااه لطف
مولازم ..

تقولي تحبينه اقولك قبل ايوه الحين ما ادري جد ما ادري قلبي فاااااضي من جهته

مرت علي اوقات اذا عصب ووصلت حد كبير اقول قرب الفرج هااانت وابدأ اخطط لحياتي بدونه

لكني انصدم بالواقع >>>> تعرف شنو الي يردني كل مره

عايلتنا .. امي وابوي ما ابيهم يتأذون علشاني

كنت اقول ودي انفصل واطلع من البلد اعيش لحالي

المشاكل والدوشه والفوضه الي بتصير في العايله ما ابغيها
وما اتحمل افكر فيها عقلي ما يتحمل الدخول في التفاصيل

مع اني كل مره احلف له ما راح اتكلم عنك ولا كلمه راح اقول ما تفاهمنا وبس

وانت قول الي تقول بكيفك... بس خلني ارتاح

لكن نرجع ونتصالح علشان العيال
او علشان صورتنا جدام العايله >>> عيلتنا كبيره ومترابطه وكل بيعين نفسه حكم
وهو له مكانه في عايلته كبيره

يمكن اجابتي ما تكون شافيه لكن مالقيت غير هذا الجواب

ماابغيه ..وابغيه علشان امور كثيره